Быстранка

З пляцоўкі Вікіпедыя
Jump to navigation Jump to search
Быстранка
Alburnoides bipunctatus sujtásos küsz.jpg
Навуковая класіфікацыя
Міжнародная навуковая назва

Alburnoides bipunctatus Bloch, 1782

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  163714
NCBI  58321
EOL  204016

Быстра́нка (Alburnoides bipunctatus) — рыба сямейства карпавых. Народныя назвы стракатка, сіняўка, ушвейка.

Апісанне[правіць | правіць зыходнік]

Невялікая рыбка, даўжынёй 10—13, часам да 15 см, маса да 13 г. Падобная да верхаводкі (адрозніваецца дзвюма цёмнымі палосамі ўздоўж бакавой лініі і больш цёмнай афарбоўкай). Спіна цёмна-шэрая або цёмна-зялёная, брушка і ніз бакоў серабрыстыя. Лусна тонкая, лёгка ападае. Спінны і хваставы плаўнікі шэрыя, астатнія светлыя. Рот канечны. рыла злёгку высоўваецца над ніжняй сківіцай. У перыяд нерасту афарбоўка яркая, плаўнікі ля асновы чырванаватыя.

Пашырэнне[правіць | правіць зыходнік]

Пашырана ў Еўропе на поўнач ад Альпаў. На Беларусі сустракаецца ў басейнах Заходняй Дзвіны, Нёмана, Буга, Дняпра. Жыве ў рэках з хуткім цячэннем (адсюль назва).

Асаблівасці біялогіі[правіць | правіць зыходнік]

Жывіцца лічынкамі насякомых хіранамід, жукамі, ніжэйшымі ракападобнымі, водарасцямі.

Полавая спеласць у 2 гады. Нерастуе ў другой палове мая — чэрвені на быстрынах з камяністым дном. Ікру адкладвае парцыённа.

Промысел[правіць | правіць зыходнік]

Прамысловага значэння не мае.

Літаратура[правіць | правіць зыходнік]