Бялянка

З пляцоўкі Вікіпедыя
Перайсці да: рух, знайсці
Бялянка
Lacpub2big.jpg
Навуковая класіфікацыя
Міжнародная навуковая назва

Lactarius pubescens Fr. (1838)

Commons-logo.svg
Выявы
на Вікісховішчы
NCBI   152943
EOL   1029967
MB   157260

Бяля́нка, ваўнянка белая (Lactarius pubescens) — шапкавы базідыяльны грыб з роду Млечнік (Lactarius) сямейства Сыраежкавыя (Russulaceae).

Апісанне[правіць | правіць зыходнік]

Вонкавым выглядам нагадвае сапраўдную ваўнянку. Пладовае цела грыба — шапка на ножцы. Шапка дыяметрам 4—6 см, крэмава-белаватая, пукатая ў маладых грыбоў, шырока-лейкападобная, з падагнутым уніз пушыстым краем у старых. Ножка цыліндрычная, часам звужаная ў нізе, даўжынёй 2—4 см і 1—2 см у дыяметры, гладкая, усярэдзіне пустая, белая або ружавата-крэмавая, часам з буравата-вохрыстымі плямамі. Мякаць тонкая, шчыльная, светлая, пад скуркай ружаватая, са слабым пахам герані. Млечны сок белы, едкі. Пласцінкі белыя, пазней — крэмава-ружаватыя. Споры амаль шарападобныя, амаль бясколерныя, са слабым крэмавым адценнем

Ядомы грыб. Спажываецца соленая (спачатку вымочваюць або вараць, каб не было гаркаты).

Экалогія і распаўсюджванне[правіць | правіць зыходнік]

Распаўсюджана ў Еўразіі і Паўночнай Амерыцы. Пашырана ў маладых бярозавых і мяшаных лясах, часта трапляецца ў забалочаных бярэзніках. Пладовыя целы з'яўляюцца групамі ў ліпені—верасні.

Літаратура[правіць | правіць зыходнік]

  • Бялянка // Беларуская ССР: Кароткая энцыклапедыя. Т. 2. — Мн.: БелСЭ. 1979.
  • Бялянка // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн.: БелЭн, 1996. — 511 с.: іл. ISBN 985-11-0068-4 (т. 3), ISBN 985-11-0035-8
  • Природа Белоруссии: Популярная энциклопедия / Редкол.: И. П. Шамякин (гл. ред.) и др — 2-е изд. — Мн.: БелСЭ, 1989. — С. 264. — 599 с. — 40 000 экз. — ISBN 5-85700-001-7.(руск.) 
  • Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина — Мн.: Вышэйшая школа, 1978. — С. 149. — 167 с. — 60 000 экз.(руск.) 

Спасылкі[правіць | правіць зыходнік]