Бітва за Эль-Хілу (2003)

З пляцоўкі Вікіпедыя
Jump to navigation Jump to search
Бітва за Эль-Хілу (2003)
Асноўны канфлікт: Уварванне ў Ірак (2003)
Babylon Ruins Marines.jpeg
Амерыканцы разглядаюць старажытныя збудаванні горада.
Дата 31 сакавіка2 красавіка 2003
Месца Эль-Хіла
Вынік перамога амерыкана-польскіх сіл
Праціўнікі
Ірак Ірак Flag of the United States.svg ЗША
Flag of Poland.svg Польшча
Камандуючыя
невядома Злучаныя Штаты Амерыкі Джозэф Андэрсан
Сілы бакоў
каля 1000 байцоў невядомая колькасць байцоў
Страты
каля 250 забітых 1 забіты і вялікая колькасць параненых
Агульныя страты
19 грамадзянскіх забіта, 515 паранена, 17 прапалі без вестак

Бітва за Эль-Хілу — узброенае супрацьстаянне падчас амерыканскага ўварвання ў Ірак за горад Эль-Хіла паміж амерыканскімі і іракскімі войскамі, а таксама польскім спецназам GROM.

Да вайны старажытны горад Эль-Хіла быў штаб-кватэрай для падраздзяленняў іракскай Рэспубліканскай гвардыі. Паколькі адной з галоўных мэтаў ўварвання кааліцыі ў Ірак была ліквідацыя Рэспубліканскай гвардыі, Хіла стала важнай мэтай для салдат кааліцыі, акрамя таго, Хіла ляжала на шляху планаванага наступлення на Эн-Наджаф.

Баі ў Хіле пачаліся 31 сакавіка 2003 года, калі дзве роты 2-й брыгады 10-й горнай дывізіі ЗША ўвайшлі ў вёску Кіфла на поўдзень ад горада, прыкладна ў 6 раніцы. Далей амерыканскія войскі прасунуліся ўздоўж шашы 8 пад прыкрыццём з паветра. У 6-30 амерыканскі верталёт AH-64 трапіў пад агонь іракскіх салдат, якія акапаліся ў бункерах, і ў 6:40 амерыканскія салдаты ўступілі ў бой з іракскай пяхоты. Пачаўся жорсткі гарадскі бой[1].

Пасля амаль 15 хвілін інтэнсіўнай перастрэлкі наземныя падраздзяленні ЗША спыніліся каля кампуса Вавілонскага каледжа, дзе яны працягнулі бой з двума Рэспубліканскай гвардыі, якія ўмацаваліся ў раёне пяхотнымі батальёнамі, падтрыманымі двума артылерыйскімі батарэямі і сістэмамі СПА. На працягу пяці гадзін сілы кааліцыі былі занятыя боем, танкі Абрамс часцяком аказваліся нямоглымі ў вузкіх вулачках горада. Адначасова з наземным боем іракскія пазіцыі атакавалі верталёты AH-64, пакуль не выдаткавалі боепрыпасы і амаль усё паліва. 8 «апачэй» вярнуліся на базу пашкоджанымі, рамонтныя брыгады паведамлялі, што вымалі з іх карпусоў снарады РПГ[1].

У 17:30 палкоўнік Джозэф Андэрсан загадаў кааліцыйным сілам адступіць. Адзін амерыканскі салдат быў забіты ў баі, але для іракцаў бой павярнуўся сотняй загінуўшых і стратай БТР, двух артылерыйскіх і адной зенітнай батарэй[1].

Услед за адыходам войскаў авіяцыя кааліцыі здзейсніла налёт на іракскія пазіцыі ў горадзе. Шматлікія касетныя бомбы былі скінутыя на кварталы, у выніку чаго, акрамя іракскіх салдат, больш за 500 грамадзянскіх асоб былі забітыя ці параненыя. Пасля бамбардзіроўкі кааліцыйныя сілы зноў былі адпраўленыя ў бой і, сустракаючы ўжо значна меншы супраціў, захапілі горад да канца дня 1 красавіка. Пасля захопу Хілы кааліцыйныя сілы змаглі вылучыцца да Наджафа. Невялікія ачагі супраціву, якія складал ў асноўным з іракскіх партызанаў, захоўваліся ў горадзе да 11 красавіка, але амаль усе арганізаваныя атрады ў у горадзе быў знішчаны, і Рэспубліканская Гвардыя больш не ўяўляла сабой сур’ёзную пагрозу для кааліцыйных сіл[1].

Зноскі