Бітва пад Мсціславам (1501)
| Мсціслаўская бітва | |||
|---|---|---|---|
| Асноўны канфлікт: Вайна Маскоўскай дзяржавы з Вялікім Княствам Літоўскім 1500—1503 гадоў | |||
| Дата | 4 лістапада 1501 | ||
| Месца | Мсціслаў | ||
| Вынік | перамога маскоўскага войска | ||
| Праціўнікі | |||
|
|||
| Камандуючыя | |||
|
|||
.svg){kind=small}
.svg){kind=small}
Бітва пад Мсціславам адбылася 4 лістапада 1501[1] года ў час вайны Маскоўскай дзяржавы з Вялікім Княствам Літоўскім 1500—1503 гадоў.
Перадумовы[правіць | правіць зыходнік]
У другой палове 1501 года вялікі князь маскоўскі Іван III прадпрыняў наступ на ўсходзе Беларусі, карыстаючыся адсутнасцю ў ВКЛ вялікага князя Аляксандра, які быў выбраны каралём польскім і выехаў у Польшчу.
Бітва[правіць | правіць зыходнік]
Групоўка маскоўскіх войскаў была сканцэнтравана ў Старадубе, дзе акрамя войскаў мясцовых князёў Сямёна Старадубскага і Васіля Шамячыча, былі сабраны войскі на чале з вялікакняжацкімі ваяводамі князямі Аляксандрам Растоўскім, Сямёнам Варанцовым і інш. Каб паспрыяць маскоўскаму наступленню на Смаленск, яны былі накіраваны на Мсціслаў, куды падышлі 4 лістапада 1501 года. Насустрач ім з горада выйшлі войскі ВКЛ на чале з князём Міхаілам Заслаўскім і ваяводам Астафеем Дашкевічам.
У бітве перамаглі маскоўскія войскі. Паводле маскоўскіх крыніц, было забіта 7 тысяч чалавек з літоўскага войска, што з’яўляецца відавочным перабольшваннем. Рэшткі літоўскага войска, страціўшы ўсе сцягі[2], на чале з князем Заслаўскім замкнуліся ў замку. Праз упартае супраціўленне абаронцаў, узяць Мсціслаў маскоўскія войскі не здолелі і пасля спалення пасадаў і спусташэння ваколіц горада адышлі назад з вялікім палонам.
Зноскі
Літаратура[правіць | правіць зыходнік]
- М. А. Ткачёв. Мстиславские укрепления // Замки Белоруссии. — Мн.: Полымя, 1987. — 222 с.: ил. С. 137, 138.
- В. А. Волков. Войны Московского государства в конце XV — начале XVI в. — На партале «Слова»(недаступная спасылка)
- А. А. Зимин. Россия на рубеже XV—XVI столетий (Очерки социально-политической истории). — М., Мысль, 1982. — 332 с. С. 179.
- Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.