Вадзяная папараць, Вадзяная капуста, Цэратоптэрыс пылюшнікавы[1] (Ceratopteris thalictroides) — від папарацей сямейства Pteridaceae. Расліна была апісана пад назвай Acrostichum thalictroides у 1753 годзе К. Лінеем[2]. У 1821 годзе Браньяр, апісваючы сямейства, пераназваў расліну.
Гэты від лепш за ўсё ўкараняецца ў акварыумным грунце, самы дэкаратыўны з чатырох відаў сямейства. У прыродзе дасягае такіх жа памераў, як і Ceratopteris cornuta. У акварыуме значна меншы. Пры лішку асвятлення ў акварыуме расліна не пашкоджваецца водарасцямі, таму з’яўляецца зручным святлафільтрам. У пагружаным стане пёрыста-рассечаныя, ажурныя ваі ярка-зялёныя, эфектна глядзяцца ў кутах акварыума. Трэба памятаць аб неабходнасці дадатковага асвятлення для буйных ўкаранённых кустоў. Патрабавальны да зменаў кіслотнасці, калянасці і тэмпературы вады.
