Вадзяны млын (Лужкі)

Славутасць
Вадзяны млын
Вадзяны млын на рацэ Мнюта
55°21′06,38″ пн. ш. 27°51′45,75″ у. д.
Краіна	Беларусь
Вёска	Лужкі
Тып будынка	вадзяны млын
Будаўніцтва	XIX — пач. XX ст.
Статус	Гісторыка-культурная каштоўнасць Беларусі, шыфр 212Г000840
Медыяфайлы на Вікісховішчы

Вадзяны млын — будынак у в. Лужкі (Шаркаўшчынскі раён). Помнік прамысловага дойлідства XIX — пачатку XX ст. Пабудаваны каля запруды на правым беразе р. Мнюта.

Архітэктура

Прамавугольны ў плане трохпавярховы будынак пад высокім двухсхільным дахам. Цокальны паверх з бутавага каменю. Прафіляваны карніз аддзяляе два верхнія паверхі, надбудаваныя ў 1912 г. з цэглы. Унутры на кожным паверсе вылучаныя тры памяшканні: вялікае цэнтральнае і два вузкія тарцовыя. Унізе заходняй часткі будынка ў камеры ўстаноўленыя две турбіны. У цэнтральным памяшканні цокальнага паверху зманціраваныя механізмы перадачы і рэгулявання руху турбін. На другім паверсе ўстаноўленыя жорны і прыстасаванні для сарціроўкі мукі. Адсюль па транспарцёры мука падаецца на трэці паверх.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Спасылкі

• На Вікісховішчы ёсць медыяфайлы па тэме Вадзяны млын (Лужкі)
• Вадзяны млын (Лужкі) на сайце Radzima.org
• Вадзяны млын (Лужкі) на сайце Глобус Беларусі (руск.)
• Вадзяны млын (Лужкі) на сайце «Архіварта»