Вадзім Андрэевіч Жучкевіч

Вадзім Андрэевіч Жучкевіч
Вадзім Андрэевіч Жучкевіч
Дата нараджэння	19 лістапада 1915
Месца нараджэння	Лоеў, Лоеўская воласць, Рэчыцкі павет, Мінская губерня, Расійская імперыя;
Дата смерці	28 лютага 1985 (69 гадоў)
Грамадзянства	Расійская імперыя; СССР;
Род дзейнасці	географ
Навуковая сфера	геаграфія, тапаніміка
Месца працы	БДУ;
Навуковая ступень	доктар геаграфічных навук
Навуковае званне	прафесар
Альма-матар	БДПУ;
Вядомы як	найбуйнейшы тапаніміст і беларусавед
Партыя	КПСС;
Член у	Беларускае геаграфічнае таварыства;
Узнагароды

Вадзім Андрэевіч Жучке́віч (19 лістапада 1915(1915-11-19), Лоеў, Мінская губерня — 28 лютага 1985(1985-02-28)) — беларускі вучоны-географ. Доктар геаграфічных навук (1971), прафесар (1972). Заслужаны работнік вышэйшай школы БССР (1977). Удзельнік Вялікай Айчыннай вайны.

Біяграфія

У 1930 годзе скончыў сямігадовую школу, у 1932 годзе ПТВ. У 1932—1935 гадах працаваў на фабрыцы і вучыўся на рабфаку. Скончыў Мінскі педагагічны інстытут у 1939 годзе. Працаваў ва ўстановах асветы ва Усходне-Казахастанскай вобласці і Алтайскім краі. У 1940 годзе паступіў у аспірантуру Маскоўскага дзяржаўнага ўніверсітэта. У час Вялікай Айчыннай вайны ў 1944—1945 гадоў на фронце.

У 1948 годзе скончыў завочную аспірантуру МДУ. З 1962 года выкладаў у Беларускім дзяржаўным універсітэце, з 1964 года — дацэнт, з 1976 года — загадчык кафедры фізічнай геаграфіі мацерыкоў і акіянаў геаграфічнага факультэта.

Навуковая дзейнасць

Займаўся тапанімікай, эканамічнай геаграфіяй. Даследаваў методыку выкладання геаграфіі. Аўтар «Кароткага тапанімічнага слоўніка Беларусі» (1974), падручнікаў для школ.

З 1975 года быў старшынёй Геаграфічнага таварыства БССР^[1].

Сярод апублікаваных прац:

Топонимика Белоруссии. — Мн., 1968.
Общая топонимика. 3 изд. — Мн., 1980.

Крыніцы

↑ Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.

Літаратура

Жучкевіч Вадзім Андрэевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 453.
Жучкевіч Вадзім Андрэевіч // Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 309. — 800 с. — 5 000 экз. — ISBN 985-11-0026-9.
Жучкевіч Вадзім Андрэевіч // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 293.

Спасылкі

Развитие идей профессора В. А. Жучкевича в системе географического образования и топонимических исследованиях Беларуси (к 100-летию со дня рождения) Архівавана 29 чэрвеня 2020. (руск.)

[ЭПБ2-1] Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.

[1]