Валянціна Пятроўна Логвін

Валянціна Пятроўна Логвін
укр.: Валентина Петрівна Логвин
Дата нараджэння	8 сакавіка 1949(1949-03-08) (76 гадоў)
Месца нараджэння	Казэлэць, Казэлэцкі раён, Чарнігаўская вобласць, УССР, СССР
Грамадзянства	Беларусь
Род дзейнасці	грамадская дзяячка, фізіёлаг, дацэнт
Месца працы	БДУФК Цэнтр украінскай культуры «Січ»
Навуковая ступень	кандыдат біялагічных навук
Альма-матар	Кіеўскі дзяржаўны ўніверсітэт імя Т. Р. Шаўчэнкі (1972)
Узнагароды	грамата Міністэрства адукацыі Рэспублікі Беларусь

Валянціна Пятроўна Логвін (укр.: Валентина Петрівна Логвин; нар. 8 сакавіка 1949, п. г. т. Казялец, Чарнігаўская вобласць, Украіна) — беларускі фізіёлаг, спецыяліст у галіне спартыўнай фізіялогіі, грамадская дзяячка ўкраінскай дыяспары. Кандыдат біялагічных навук (1986), дацэнт.

Біяграфія

Нарадзілася 8 сакавіка 1949 года ў пасёлку Казялец Чарнігаўскай вобласці Украіны.

У 1972 годзе скончыла Кіеўскі нацыянальны ўніверсітэт імя Тараса Шаўчэнкі па спецыяльнасці «Біёлаг-біяфізік, выкладчык біялогіі і хіміі». З 1976 года працавала ў Беларускім дзяржаўным універсітэце фізічнай культуры (БДУФК) на кафедры фізіялогіі і біяхіміі, займала пасаду дацэнта.

У 1982 годзе скончыла аспірантуру пры Інстытуце фізіялогіі АН Беларускай ССР. У 1985 годзе абараніла кандыдацкую дысертацыю на тэму «Асаблівасці сістэмнай гемадынамікі і кіслотна-шчолачнай раўнавагі крыві ў асоб з павышанай мышачнай актыўнасцю».

Аўтар больш за 100 навуковых і метадычных работ. Выкладала дысцыпліны «Фізіялогія», «Фізіялогія спорту», «Узроставая фізіялогія». Кіравала навукова-даследчай працай студэнтаў, выступала рэцэнзентам дыпломных работ, магістарскіх і кандыдацкіх дысертацый.

Кандыдат у майстры спорту СССР па скалалажанні, мае I разрад па лыжных гонках і альпінізме.

Грамадская дзейнасць

Узначальвала грамадскае аб'яднанне «Цэнтр украінскай культуры «Січ»» у Мінску, якое было ліквідавана ўладамі ў 2023 годзе. З 2007 года з’яўлялася членам Асацыяцыі спецыялістаў па спартыўнай медыцыне і лячэбнай фізкультуры Украіны.

У 2025 годзе Мінскі гарадскі суд прыгаварыў Валянціну Логвін да хатняй хіміі па трох палітычных артыкулах Крымінальнага кодэкса: ч. 1 арт. 130 (распальванне варожасці), ч. 1 арт. 368 (абраза Лукашэнкі) і ч. 1 і ч. 2 арт. 361-4 (садзейнічанне экстрэмісцкай дзейнасці).

Узнагароды

• Ордэн Украіны «За заслугі» III ступені (2001).
• Грамата Камітэта па фізічнай культуры і спорту Беларускай ССР (1983).
• Грамата Міністэрства адукацыі Рэспублікі Беларусь (2006).
• Ганаровая грамата Міністэрства асветы і навукі Украіны (2008).

Бібліяграфія

• Логвин В. П. Лабораторный практикум по учебной дисциплине «Физиология». — 3-е выд., стэр.. — Минск: БГУФК, 2016. — 118 с.
• Логвин В. П., Лойко Т. В., Жилко Н. В. Лабораторный практикум по учебной дисциплине «Физиология спорта». — 6-е выд., выпр.. — Минск: БГУФК, 2016. — 88 с.