Валянцін Піліпавіч Ждановіч

Валянцін Піліпавіч Ждановіч
Дата нараджэння	10 чэрвеня 1907(1907-06-10)
Месца нараджэння	Александропаль, Александропальскі павет[d], Эрыванская губерня, Каўказскае наместніцтва[d], Расійская імперыя
Дата смерці	17 снежня 1975(1975-12-17) (68 гадоў)
Месца смерці	Гомель, Гомельская вобласць, БССР, СССР
Грамадзянства	БССР
Альма-матар	Ленінградскі інстытут інжынераў чыгуначнага транспарту (1934)
Месца працы	Гомельскі абласны філіял інстытута «Белдзяржпраект»[d] БелІІЧТ
Член у	Саюз архітэктараў СССР Беларускі саюз архітэктараў

Валянцін Піліпавіч Ждановіч (10 чэрвеня 1907, г. Кумайры, Армянская ССР — 17 снежня 1975, Гомель) — беларускі архітэктар.

Біяграфія

Скончыў у 1934 годзе Інстытут інжынераў прамысловага будаўніцтва ў Ленінградзе. З 1934 па 1940 г. працаваў у Горлаўцы Данецкай вобласці, Куйбышаве. Удзельнік Вялікай Айчыннай вайны. Да 1946 года працаваў у будаўнічых і праектных арганізацыях гарадоў Пугачова, Днепрапятроўска, Запарожжа.

3 1946 года ў Гомелі: старшы прараб, начальнік участка будаўнічага ўпраўлення № 19 міністэрства шляхоў зносін, з 1949 года галоўны інжынер Гомельскага філіяла інстытута «Белдзяржпраект», з 1957 па 1975 г. дацэнт кафедры прамысловых і грамадзянскіх збудаванняў Беларускага інстытута інжынераў чыгуначнага транспарту.

Член Саюза архітэктараў СССР з 1935 года.

Творчасць

Запраектаваў будынкі гасцініцы ў Горлаўцы і лабараторыі гідравузла ў Куйбышаве.

Асноўныя работы на Беларусі: рэканструкцыя і надбудова чыгуначнага вакзала (1941, у сааўт.), праект прыбудовы да гасцініцы «Сож» (1948), 21-кватэрны жылы дом Беларускага рачнога параходства (1949), 4-павярховы жылы дом па вуліцы Савецкай і 36-кватэрны па Леніна (1951), 70-кватэрны па вул. Леніна і Савецкай (1952) - усе ў Гомелі), кінатэатр у Рагачове (1951), комплекс дзіцячай бальніцы ў Маладзечне (1952).

Узнагароды

Узнагароджаны медалямі.

Літаратура

• Ждановіч Валянцін Піліпавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Жданович Валентин Филиппович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)