Ван Цьен Зунг

Ван Цьен Зунг
Văn Tiến Dũng
міністр абароны СРВ 1980 — 1987
Кіраўнік урада	Фам Ван Донг
Папярэднік	Во Нгуен Зіяп
Пераемнік	Ле Дык Ань
Нараджэнне	2 мая 1917(1917-05-02) Ханой, В’етнам
Смерць	17 сакавіка 2002(2002-03-17) (84 гады) Ханой, В’етнам
Партыя	Камуністычная партыя В’етнама
Дзейнасць	палітык, ваенны
Ваенная служба
Прыналежнасць	В’етнам
Род войскаў	В’етмінь
Званне	генерал арміі
Камандаваў	В’етнамская народная армія
Бітвы	Індакітайская вайна В’етнамская вайна
Узнагароды
Медыяфайлы на Вікісховішчы

Ван Цьен Зунг (в’етн.: Văn Tiến Dũng; 2 мая 1917 — 17 сакавіка 2002) — генерал В’етнамскай народнай арміі. Вядомы перш за ўсё планаваннем і паспяховым правядзеннем вясновага наступлення 1975 года, якое завяршыла В’етнамскую вайну.

Біяграфія

Нарадзіўся ў сялянскай сям’і ў Ханоі. У 1936 годзе (па іншых дадзеных — у 1937-м уступіў у Камуністычную партыю Індакітая. Некаторы час правёў у французскай турме, адкуль уцёк у 1944 годзе. У канцы Індакітайскай вайны быў прызначаны на пасаду начальніка штаба В’етнамскай народнай арміі, знаходзіўся на гэтай пасадзе падчас бітвы пры Д’енб’енфу, а таксама падчас В’етнамскай вайны.

У 1972 годзе камандаваў Паўночным фронтам (Чы-Тх’ен-Хюэ) падчас аперацыі «Нгуен Хюэ» («Велікоднае наступленне»); менавіта яго фронту ўдалося дасягнуць найбуйнейшай перамогі паўночнав’етнамскіх войскаў у гэтай кампаніі, узяўшы сталіцу самай паўночнай правінцыі Паўднёвага В’етнама горад Куангчы і ўтрымліваючы яго на працягу чатырох з паловай месяцаў.

У 1974 годзе Ван Цьен Зунг змяніў Во Нгуен Зіяпа на пасадзе камандуючага паўночнав’етнамскай арміяй. Ён распрацаваў і паспяхова ўвасобіў у жыццё план Вясновага наступлення 1975 года, вынікам якога стала ўзяцце Сайгона і завяршэнне В’етнамскай вайны.

Пасля ўз’яднання В'етнама армія пад камандаваннем Ван Цьен Зунга праводзіла баявыя аперацыі ў адказ на памежныя правакацыі «чырвоных кхмераў», ўварванне ў Камбоджу і звяржэнне рэжым Пол Пота, а таксама адлюстроўвала кітайскае ўварванне 1979-га. У 1980—1987 гадах быў міністрам абароны. У гэты перыяд яго крытыкавалі за аўтарытарны стыль працы, хадзілі і чуткі аб сямейнай карупцыі.

Памёр ва ўзросце 84 гадоў у Цэнтральным вайсковым шпіталі ў Ханоі. У яго засталіся два сыны і тры дачкі. Ван Цьен Зунг з’яўляецца адным з самых вядомых паўночнав’етнамскіх палкаводцаў перыяду В’етнамскай вайны (магчыма, саступаючы толькі Зіяпу). Аўтар мемуараў «Вялікая перамога вясной 75-га» (1976).

Спасылкі

• Ван Тиен Зунг. Великая победа весной 75-го