Варварына (Буда-Кашалёўскі раён)

Вёска Варварына Краіна Беларусь Вобласць Гомельская Раён Буда-Кашалёўскі Сельсавет Мікалаеўскі Каардынаты 52°58′13″ пн. ш. 30°28′32″ у. д. Першая згадка XIX стагоддзе Ранейшыя назвы Пастралкі Колькасць двароў 17 Насельніцтва 27 чалавек (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205872006 Варварына на карце Беларусі ±

Варва́рына (трансліт.: Varvaryna, руск.: Варварино; да 1928 года Пастралкі) — вёска ў Буда-Кашалёўскім раёне Гомельскай вобласці. Уваходзіць у склад Мікалаеўскага сельсавета.

Геаграфія

Размяшчэнне

У 30 км на поўнач ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 78 км ад Гомеля.

Транспартная сетка

Транспартныя сувязі па прасёлкавай дарозе, затым па шашы Доўск — Гомель.

Планіроўка складаецца з кароткай, амаль просталінейнай вуліцы, забудаванай двухбакова, няшчыльна, драўлянымі дамамі сядзібнага тыпу.

Гісторыя

Па пісьмовых крыніцах вядомая з канца XIX стагоддзя як вёска ў Рагачоўскім павеце Магілёўскай губерні. Па рэвізіі 1858 года ў складзе маёнтка Самуйлова. Па перапісу 1897 года знаходзіліся: хлебазапасны магазін, вятрак. У 1909 годзе 309 дзесяцін зямлі, у Гарадзецкай воласці.

У 1929 годзе арганізаваны калгас. Падчас Вялікай Айчыннай вайны у вёсцы ў 1943 годзе размяшчаліся партызаны 1-й Буда-Кашалёўскай брыгады. У вайну загінулі 57 жыхароў вёскі. У 1959 годзе ў складзе саўгаса «Шлях Ільіча» (цэнтр — вёска Мікалаеўка).

Насельніцтва

Колькасць

• 2004 год — 17 гаспадарак, 27 жыхароў.

Дынаміка

• 1858 год — 13 двароў, 97 жыхароў.
• 1897 год — 27 двароў, 162 жыхара (паводле перапісу).
• 1909 год — 245 жыхароў.
• 1925 год — 34 двары.
• 1959 год — 129 жыхароў (паводле перапісу).
• 2004 год — 17 гаспадарак, 27 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0