Варсанофій (Грыневіч)

Варсанофій (Грыневіч)
Адукацыя	Магілёўская духоўная семінарыя Казанская духоўная акадэмія
Дзейнасць	праваслаўны святар
Імя пры нараджэнні	Канстанцін Грыневіч
Нараджэнне	28 мая (9 чэрвеня) 1875 Катынь, Смаленскі павет, Смаленская губерня, Расійская імперыя
Смерць	13 сакавіка 1958(1958-03-13) (82 гады) Калінін, Калінінская вобласць, РСФСР, СССР

Епіскап Варсанофій (свецкае імя Канстанцін Грыневіч; 28 мая 1875  — 13 сакавіка 1958, Цвер) — праваслаўны дзеяч, епіскап.

Біяграфія

Скончыў Магілёўскую духоўную семінарыю, Казанскую духоўную акадэмію (1902). Служыў у цэрквах у Гомелі і Маскве. У 1945 годзе хіратанізаваны ў епіскапа Гродзенскага і Баранавіцкага (пазней тытул Баранавіцкі са знікненнем Баранавіцкай вобласці быў перайменаваны ў Лідскі). У 1948—1950 гадах — епіскап Сяміпалацінскі і Паўладарскі (Казахстан), у 1950—1953 гадах — Арэнбургскі і Бузулуцкі, 1954—1956 гадах — архіепіскап Калінінскі і Кашырскі.