Васьміпрамянёвыя каралы

Васьміпрамянёвыя каралы
Alcyonium acaule
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Тып:  Жыгучыя Клас:  Каралавыя паліпы Падклас:  Васьміпрамянёвыя каралы
Міжнародная навуковая назва
Octocorallia (Haeckel, 1866)
Сінонімы
Alcyonaria Dana, 1846
Атрады
Alcyonacea — Мяккія каралы Helioporacea — Рагавыя каралы Pennatulacea — Марскія пёры
Сістэматыка на Віківідах Выявы на Вікісховішчы ITIS   52004 NCBI   6132 EOL   2548758 FW   61472

Васьміпрамянёвыя каралы (Octocorallia) — падклас кішачнаполасцевых жывёл.

Апісанне

Маюць восем перыстых шчупальцаў вакол ротавай адтуліны. Гастральная поласць падзелена васьмю радыяльнымі мяккімі перагародкамі на камеры; ад рота ў яе апускаецца эктадэрмальная глотка.

Утвараюць калоніі разнастайнай формы, памераў і афарбоўкі, якія складаюцца з дробных (звычайна ме­нш за 1 см) паліпаў. Асновы паліпаў пагружаюцца ў цела калоніі, а іх кішэчныя поласці зя­за­ны паміж сабой. Шкілет калоніі складаецца з асобных элементаў — вапняковых спікул рознай формы (іголак, па­лачак, ве­рацён, лускавінак), у не­като­рых шкілет будуецца з рагавых пла­сцінак.

Пашырэнне

Вядомы з пачатку мезазою. Выдзяляецца 3 ці 4 сучасныя атрады, у т.л. альцыянарыі, або мяккія каралы (Alcyonacea); гарганарыі, або рагавыя каралы (Helioporacea); марскія пёры (Pennatulacea).

Налічваецца каля 3000 відаў. Пашыраны пераважна ў марскіх водах трапічнага пояса. Найбольш вядомыя: карал чырвоны, або высакародны карал (Corallium rubrum), арганчык (Tubipora musica), гарганарыя (Annella mollis) і інш. 3 многіх вырабляюць упрыгожанні, сувеніры.

Асаблівасці біялогіі

Размнажэнне палавое і бяслолае (пачкаванне). Кормяцца прасцейшымі, бактэрыямі, часцінкамі дэтрыгу і інш. Многія свецяцца. Калоніі прыгожыя, рознакаляровыя. Утвараюць каралавыя рыфы.

Літаратура

• Васьміпрамянёвыя каралы // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).