Васіль Пятровіч Стасаў

З пляцоўкі Вікіпедыя
Перайсці да: рух, знайсці
Васіль Пятровіч Стасаў
V.P. Stasov by Varnek.JPG
Дата нараджэння:

24 ліпеня (4 жніўня) 1769

Месца нараджэння:

Масква, Маскоўская губерня, Расійская імперыя[1]

Дата смерці:

24 жніўня (5 верасня) 1848 (79 гадоў)

Месца смерці:

Санкт-Пецярбург, Расійская імперыя[1]

Месца пахавання:

Ціхвінскія могілкі[d]

Грамадзянства:

Flag of Russia.svg Расійская імперыя

Дзеці:

Уладзімір Васілевіч Стасаў, Надзея Васільеўна Стасава[d] і Дзмітрый Васільеўвіч Стасаў[d]

Працы і дасягненні
Працаваў у гарадах:

Санкт-Пецярбург, Кіеў, Патсдам, Грузіна

Архітэктурны стыль:

Класіцызм, ранні рускі стыль

Лагатып Вікісховішча Васіль Пятровіч Стасаў на Вікісховішчы

Васіль Пятровіч Стасаў (24 ліпеня (4 жніўня) 1769, Масква — 24 жніўня (5 верасня) 1848, Санкт-Пецярбург) — рускі архітэктар, прадстаўнік класіцызму.

Біяграфія[правіць | правіць зыходнік]

Нарадзіўся ў небагатай дваранскай сям’і: бацька, Пётр Фёдаравіч Стасаў, служыў у вотчыннай канцылярыі — падканцылярыстам (памочнікам пісара), маці, Ганна Анціп’еўна, паходзіла з роду Прыклонскіх. Мелі радавое сяло Сакалова, пад Серпухавам.

Да 1783 года вучыўся ў гімназіі пры Маскоўскім універсітэце(руск.) бел.; у 1783 годзе памёр бацька, а неўзабаве і старэйшы брат, які служыў у марскім флоце. 14 лютага 1873 Васіль Стасаў паступіў на службу ў Экспедыцыю архітэктурных спраў, кіраваную С. А. Карыным — у пасадзе «архітэктара капрала» (чарцёжніка); у 1790 годзе ён ужо памочнік архітэктара[2].

У 1794 годзе некалькі месяцаў адбываў вайсковую павіннасць ў Праабражэнскім палку ў Санкт-Пецярбургу. У студзені 1795 паступіў на службу ў Дэпартамент герольдыі. З 1797 В. П. Стасаў пачаў службу Калежскім сакратаром у Галоўнай салянай канторы.

Творчасць[правіць | правіць зыходнік]

У Санкт-Пецярбургу Стасавым былі пабудаваны комплекс будынкаў Акадэміі навук на Васільеўскім востраве, Ямскі рынак на Раз’езднай вуліцы (1817—1819), Паўлаўскія казармы на Марсавым поле (1817—1821), Спаса-Праабражэнскі сабор (1827—1829), Троіца-Ізмайлаўскі сабор (1828—1835), Нарвскія трыумфальныя вароты (1827—1834) і Маскоўскія трыумфальныя вароты (1834—1838). Пабудовы Стасава адрозніваюцца прадстаўнічасцю, урачыстасцю архітэктурных формаў. Развіваючы ідэі рускага ампіру, Стасаў часта звяртаўся да строгіх форм дарыйскага ордэра.

У Царскім Сяле В. Стасаў аформіў шэраг інтэр’ераў Екацярынінскага і Аляксандраўскага палацаў, займаўся перабудовай Кітайскай вёскі (1817—1822). Па яго праекце былі пабудаваныя вароты «Ласкава маім калегам» (1817), Манеж, Вялікая аранжарэя.

Па праектах Стасава пабудаваны правіянцкія склады ў Маскве (1821—1835), праведзена перабудова рэзідэнцыі віленскага генерал-губернатара (1824—1832, цяпер рэзідэнцыя прэзідэнта Літвы). У 1836-41 Стасаў спраектаваў Троіцкі сабор у Гельмязаве (Палтаўскай губерні).

Зноскі

  1. 1,0 1,1 Стасов Василий Петрович // Большая советская энциклопедия Алферов Жорес: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Да 1790 ставіцца распрацоўка генеральнага плана незахаванай сядзібы А. С. Нябольсінай на Пакроўцы(руск.) бел..

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).