Ваўчаягада звычайная

З пляцоўкі Вікіпедыя
Jump to navigation Jump to search
Ваўчаягада звычайная
Daphne mezereum Berries2.jpg
Навуковая класіфікацыя
Міжнародная навуковая назва

Daphne mezereum L.

Сінонімы
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  27126
NCBI  66680
EOL  582100
GRIN  t:13273
IPNI  831294-1
TPL  kew-2757105

Ваўчая́гада звычайная[3] (Daphne mezereum) — від кустовых раслін сямейства ваўчаягадавых.

Назва[правіць | правіць зыходнік]

Ваўчаягада звычайная, ваўчынец, воўчае лыка, воўчыя ягады[4][5], жыломяць, воўчы ягады[6][7][8][9], воўча лыка[4].

Апісанне[правіць | правіць зыходнік]

Малагалінасты куст вышынёй да 1,5 м з жаўтавата-шэрай маршчакаватай карой. Галінкі голыя, у ніжняй частцы са слядамі леташняга лісця, маладыя галінкі кароткапрыціснутаапушаныя. Лісце чаргаванае, адваротналанцэтнае, тупаватае, выцягнутае ў кароткі чаранок, трошкі раснічастае, зверху зялёнае, знізу шызаватае, скучана на канцах галінак. Кветкі бэзава-ружовыя, духмяныя, сядзячыя, па 3-5 у пазухах леташняга лісця. Плод — авальная ярка-чырвоная касцянка.

Пашырэнне[правіць | правіць зыходнік]

Сустракаецца амаль па ўсёй Еўропе, у Закаўказзі, на поўначы Ірана. На Беларусі трапляецца па ўсёй тэрыторыі. Расце ў цяністых вільготных хвойных і лісцевых лясах. Цвіце ў сакавіку—красавіку.

Значэнне і выкарыстанне[правіць | правіць зыходнік]

Лекавая расліна (вонкавы раздражняльны сродак), мае інсектыцыдныя ўласцівасці. Выкарыстоўваюць кару (збіраюць рана ўвесну) і плады (у чэрвені—ліпені).

Ядавітая, таму як дэкаратыўную расліну высаджваць у месцах, даступных дзецям, не варта, каб пазбегнуць атручэння[10].

Добры ранневясенні меданос.

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь. — Минск: «Наука и техника», 1967. — С. 44. — 160 с. — 2350 экз.
  4. 4,0 4,1 Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927
  5. Антонов А. А. О врачебных растениях, дикорастущих в Витебской губернии и употребляемых населением ее в домашней народной медицине. Витебск, 1888
  6. Анненков Н.(руск.) бел. Ботанический словарь, Спб, 1878
  7. Рытов М. В.(руск.) бел. Русские лекарственные растения. т. I. Петроград, 1918
  8. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
  9. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларуси, т. III. Горы-Горкі, 1927
  10. ЭПБ у 5-і т. Т. 1

Літаратура[правіць | правіць зыходнік]