Велікастахаўскае патрыятычнае падполле

З пляцоўкі Вікіпедыя
Перайсці да навігацыі Перайсці да пошуку
Велікастахаўскае патрыятычнае падполле
Гады існавання 1941 — 1942
Краіна Flag of the Byelorussian SSR (1940).svg Беларуская ССР
Падпарадкаванне Беларускі штаб партызанскага руху
Тып падполле
Функцыя барацьба з нямецкімі акупацыйнымі ўладамі
Колькасць 25 чал. (1941)
Дыслакацыя Вялікае Стахава, БССР
Войны Вялікая Айчынная вайна

Велікастахаўскае патрыятычнае падполле — савецкае падполле для барацьбы з нямецкімі акупацыйнымі ўладамі ў в. Вялікае Стахава. Дзейнічала з верасня 1941 да 15 красавіка 1942 года. Дзейнічала пад кіраўніцтвам Барысаўскага падпольнага гаркама-райкама КП(б)Б (да лютага 1942 года). Кіраўнікі: С. Л. Бочак, А. I. Валагжанін, В. П. Бальшакоў.

Аб’ядноўвала 25 чал. У канцы 1941 года група Бочака аб’ядналася з падпольнай групай П. Ц. Солдака. Падпольшчыкі запісвалі і распаўсюджвалі сярод насельніцтва зводкі Саўінфармбюро, здабывалі зброю, боепрыпасы, дакументы для ваеннаслужачых, знішчалі жывую сілу праціўніка, зрывалі мерапрыемствы акупацыйных улад, падбіралі людзей і запасалі харчы для будучага партызанскага атрада. У студзені 1942 года мелі 2 кулямёты, 2 аўтаматы, 6 вінтовак, 6 пісталетаў, 60 гранат і некалькі тысяч патронаў. У лютым Бочак, Валагжанін і У. А. Савіцкі падарвалі на чыгуначнай ветцы Барысаў — Лядзішчы эшалон, знішчылі 5 вагонаў з ваеннай маёмасцю. 25 сакавіка і летам 1942 года карныя нямецкія сілы схапілі і пасля катаванняў расстралялі 13 падпольшчыкаў.

Бальшакоў разам з уцалелымі падпольшчыкамі 15 красавіка 1942 года пайшоў у лес і ўзначаліў партызанскую групу, на базе якой і дыверсійнай групы «Бывалыя» сфарміраваны партызанскі атрад «Дзядзькі Колі».

У в. Вялікае Стахава загінуўшым падпольшчыкам пастаўлены помнік.

Зноскі

Літаратура[правіць | правіць зыходнік]