Веліста (сяло)

Сяло
Веліста
55°39′11″ пн. ш. 32°12′46″ у. д.
Краіна	Расія
Суб’ект федэрацыі	Смаленская вобласць
Муніцыпальны раён	Духаўшчынскі раён
Гісторыя і геаграфія
Лічбавыя ідэнтыфікатары
Тэлефонны код	48144
Паштовы індэкс	216238
Код АКАТП	66216816011
Паказаць/схаваць карты
Веліста

Веліста (руск.: Велисто) — сяло ў Духаўшчынскім раёне Смаленскай вобласці Расіі. Уваходзіць у склад Прачысценскага сельскага паселішча.

Назва

Назва вёскі Веліста паходзіць ад назвы возера Веліста, ля якога вёска знаходзіцца. Азёрная назва — балцкага паходжання.

Гідранімічны корань Vel- на Верхнім Падзвінні таксама ў балцкіх назвах рэк Вяліжа (> Вяліжка), ракі Веляса. Балцкія гідранімічныя адпаведнікі — літоўскія Veliuona, Velionė, Vel-upys, Vėlys, латышскія Vel-upīte, Vell-ezers.

У назве Веліста корань Vel- пашыраны балцкім гідранімічным пашыральнікам -st-. Ён таксама ў балцкіх назвах возера Абстэрна (Ab-ist-, -rn-), сожскай ракі Гарыста, дзесенскай ракі Судасць. Гэты пашыральнік вядомы ў літоўскім слова- і назваўтварэнні (gyv-as «жывы» — gyv-asta «жыццё»). Ён жа ў назве прытоку волжскай Вазузы ракі Лебасціна (< *Lebasta, ад літ. lebti «рабіцца вялым»), якая цячэ недалёка на ўсходзе ад возера Веліста.

Паблізу возера Веліста таксама возера Тумерта, назва якога ўтвораная ад кораня Tum- (літ. tumti «гусцець») і пашыральніка -rt-.

Гісторыя

У гады Вялікай Айчыннай вайны сяло было пад нямецкай акупацыяй з кастрычніка 1941 года, вызвалена ў 1943 годзе.