Верасовая пустка

З пляцоўкі Вікіпедыя
Перайсці да: рух, знайсці
Верасовая пустка ў Пенінскіх гарах Вялікабрытаніі.

Верасовая пустка — біятоп, тыповы для гарыстай мясцовасці, характарызуецца перавагай рыхлых кіслых глеб цёмна-шэрага колеру з прымешкай белага пяску, бедных на калій, азот і фосфар. Звычайна ўяўляе сабой зараснікі вераса звычайнага (Calluna vulgaris) і раслін з роду Эрыка (Erica).

Найбольшае распаўсюджванне мае ва умераным клімаце Паўночнага і Паўднёвага паўшар'яў, як напрыклад, у Вялікабрытаніі, Ірландыі і Новай Зеландыі, а таксама ў высакагорных раёнах тропікаў, як, напрыклад, у андскіх парама.[1] Як правіла, пустэчы не адрозніваюцца біялагічнай разнастайнасцю і звычайна асацыююцца з верасам.

Фаўна верасовых пустак у Еўропе прадстаўлена такімі птушкамі, як белая курапатка, палявы мышалоў, крэчат, залацісты сявец, вялікі краншнэп, палявы жаваранак, лугавы конік, лугавы ерчык, белаваллёвы дрозд і горная чачотка.

У другой палове XX стагоддзя празмернае выкарыстанне верасовых пустак пад выпас скаціны, камерцыйныя лесапасадкі і інвазія чужародных раслін, такіх, як Арляк звычайны (Pteridium aquilinum), прывялі да дэградацыі і знікнення 20 % усёй прасторы пустэч.[2]

Зноскі

  1. Holden J. et al. «Environmental change in moorland landscapes». Earth-Science Reviews Vol. 82, Issues 1—2, 2007, pp.75—100 анлайн [1]
  2. The Moorland Association «Heather Moorland» Прачытана 2007-12-09