Верхавінскі Водападзельны хрыбет

Верхавінскі Водападзельны хрыбет
укр. Верховинський Вододільний хребет
гара Пікуй
Краіна	Украіна
Горная сістэма	Усходнія Карпаты
Найвышэйшая вяршыня	Пікуй
Вышыня	1405 м
Медыяфайлы на Вікісховішчы

Верхавінскі Водападзельны хрыбет (укр.: Верховинський Вододільний хребет) — горны хрыбет ва Усходніх Карпатах, на тэрыторыі Украіны, ляжыць пераважна на мяжы Львоўскай і Закарпацкай абласцей.

Працягнуўся ад вярхоўя р. Уж да вярхоўя р. Рыка, у межах Кросненскай зоны. Максімальная вышыня 1405 м (г. Пікуй). Складзены пескавікамі. Хрыбет мае звілістыя лініі грэбянёў, асіметрычную форму: паўднёвыя схілы стромкія, абрывістыя, паўночныя — спадзістыя. Па вяршыннай лініі хрыбта праходзіць галоўны Карпацкі водападзел, з якога бяруць пачатак многія рэкі: Латарыца, Стрый, Опір, Рыка і інш. Шмат зручных перавалаў, якія здаўна выкарыстоўваюць як шляхі зносін.

Схілы да вышыні 1200—1250 м укрыты ялова-букавымі, радзей — букавымі, лясамі (лясістасць 30-45 %). Вышэй размяшчаюцца паланіны, пераважна другаснага паходжання, занятыя лугава-хмызняковай расліннасцю.

Раён рэкрэацыі. Заходняя частка хрыбта належыць да Ужанскага нацыянальнага прыроднага парку.