Чыркавічы

Аграгарадок Чыркавічы Краіна Беларусь Вобласць Гомельская Раён Светлагорскі Сельсавет Чыркавіцкі Каардынаты 52°39′44″ пн. ш. 29°39′07″ у. д. Першая згадка XVI стагоддзе Насельніцтва ▼943 чал. (2019) Часавы пояс UTC+3 Тэлефонны код +375 2342 Паштовыя індэксы 247410 Аўтамабільны код 3 СААТА 3250832086 Чыркавічы Чыркавічы

Чыркавічы на Вікісховішчы

Чы́ркавічы (трансліт.: Čyrkavičy, руск.: Чирковичи) — аграгарадок у Светлагорскім раёне Гомельскай вобласці, на рацэ Чырка. Уваходзіць у склад Чыркавіцкага сельсавета. Насельніцтва 1101 чал. (2004). Знаходзяцца за 7 км на паўночны захад ад Светлагорску, за 10 км ад чыгуначнай станцыі Светлагорск-на-Бярэзіне (лінія Жлобін — Калінкавічы); на аўтамабільнай дарозе Светлагорск — Парычы.

Гісторыя

Першая згадка Чыркавіч датуецца 1560 годам. Пасля адміністрацыйна-тэрытарыяльнай рэформы 1565—1566 гадоў у складзе Рэчыцкага павета Менскага ваяводства. Паводле інвентару Бабруйскага староства за 1639 год у сяле было 26 дымоў, з якіх 15 заселеныя, і 40 валок землі, з якіх 25 пустыя.

У выніку другога падзелу Рэчы Паспалітай (1793) Чыркавічы апынуліся ў складзе Расійскай імперыі, у Бабруйскім павеце Мінскай губерні. У 1840 годзе на сродкі П. Пушчына замест струхлелага збудавалі новы драўляны будынак царквы Святых Пятра і Паўла (у яе архіве захоўваліся метрычныя кнігі і прыходскія спісы ад 1799). Станам на 1885 годзе ў мястэчку было 92 двары, 2 царквы, школа. Паводле вынікаў перапісу (1897) — 149 двароў, хлебазапасны магазін, карчма. На 1908 год — 165 двароў, фельчарскі пункт; на 1917 год — 208 двароў

Паводле пастановы I з’езду КП(б) Беларусі ад 1 студзеня 1919 года Чыркавічы ўвайшлі ў склад Беларускай ССР, дзе сталі цэнтрам сельсавета Парыцкага раёна Бабруйскай акругі (вобласці). У 1930 годзе ў вёсцы працавалі кузня. Станам на 1925 год, 220 двароў, на 2004 год — 434 гаспадаркі.

Насельніцтва

• XIX стагоддзе: 1885 год — 611 чал.; 1897 год — 858 чал.
• XX стагоддзе: 1908 год — 999 чал.; 1917 год — 1194 чал.; 1959 год — 883 чал.
• XXI стагоддзе: 2004 год — 1101 чал.

Інфраструктура

У Чыркавічах працуюць сярэдняя і музычная школы, дашкольная ўстанова, фельчарска-акушэрскі пункт, дом культуры, бібліятэка, пошта.

Забудова

Планаванне складаецца з простай шыротнай вуліцы, да цэнтру якой з поўдня далучаецца завулак; на ўсходзе яе перасякае кароткая вуліца. На поўначы, паралельна да галоўнай размяшчаецца кароткая простая вуліца. Забудова драўляная, сядзібнага тыпу.

Турыстычная інфармацыя

Музей

• Музей ваеннай і працоўнай славы імя Пішчалава
• Брацкая магіла

Страчаная спадчына

• Царква Святых апосталаў Пятра і Паўла (XVIII ст.; грэка-каталіцкая)

Вядомыя асобы

• Пётр Міхайлавіч Стафаноўскі (1903—1976) — ваенны лётчык, Герой Савецкага Саюза (1948).

Літаратура

• Гарады і вёскі Беларусі: Энцыклапедыя. Т. 2, кн. 2. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2005. — 520 с.: іл. — 4 000 экз. — ISBN 985-11-0330-6.
• Czyrkowicze // Słownik geograficzny Królestwa Polskiego i innych krajów słowiańskich. Tom I: Aa — Dereneczna (польск.). — Warszawa, 1880. S. 884.

Спасылкі

• На Вікісховішчы ёсць медыяфайлы па тэме Чыркавічы
• Маёнтак у Чыркавічах (цяпер тэрыторыя Светлагорскага раёна Гомельскай вобласці) на карце РСЧА 1940 года (нявызн.).