Бараўское

Бараўское
Морфаметрыя
Вышыня над узроўнем мора	171,8 м
Даўжыня	каля 1,6 км
Шырыня	каля 0,14 км
Плошча	0,17 км²
Басейн
Упадаюць	ручаі
Выцякаюць	бяссцёкавае
Размяшчэнне
Краіна	Беларусь
Рэгіён	Віцебская вобласць
Бараўское
Бараўское
Медыяфайлы на Вікісховішчы

Бараўско́е, Барова — бяссцёкавае возера ў Віцебскім раёне Віцебскай вобласці ў басейне ракі Шэсценка (прыток Храпаўлянкі), за 6 км у напрамку на поўнач ад Віцебска, за 4,5 км ад чыгуначнай станцыі Лужасна.

Плошча паверхні возера 0,17 км². Даўжыня каля 1,6 км, найбольшая шырыня 0,13 км. Катлавіна возера моцна выцягнутая ў напрамку з поўначы на поўдзень, размешчана сярод хвойнага лесу. Схілы катлавіны ўзгорыстыя. Берагавая лінія слабазвілістая. Возера бяссцёкавае. Упадаюць ручаі. На поўдні злучана каналам з возерам Дрыкольскае.

Каля возера ў вёсцы Дрыколле размешчана паляўніча-рыбалоўная база.

Літаратура

• Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 23, 64. — 72 с. — 10 000 экз. — ISBN 978-985-508-136-5. (руск.)