Бярозаўскае (возера, Сенненскі раён)
| Бярозаўскае | |
|---|---|
| Морфаметрыя | |
| Вышыня над узроўнем мора | 149[1] м |
| Даўжыня | 5,1 км |
| Шырыня | 1,05 км |
| Плошча | 2,6 км² |
| Аб’ём | 0,0151 км³ |
| Даўжыня берагавой лініі | 18,9 км |
| Найбольшая глыбіня | 15,8 м |
| Сярэдняя глыбіня | 5,8 м |
| Гідралогія | |
| Салёнасць | да 0,29 ‰ |
| Празрыстасць | 3 м |
| Басейн | |
| Плошча вадазбору | 25,8 км² |
| Упадаюць | ручаі |
| Выцякаюць | Бярозка |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Бярозаўскае |
|
|
|
|
 Бярозаўскае |
|
 |
|
Бярозаўскае — возера ў Беларусі, у Сенненскім раёне Віцебскай вобласці ў басейне ракі Крывінка, за 10 км на паўночны-ўсход ад Сянно, каля вёскі Студзёнка і аўтамабільнай дарогі Р86.
Плошча паверхні возера 2,6 км². Даўжыня 5,1 км, найбольшая шырыня 1,05 км. Даўжыня берагавой лініі 18,9 км. Найбольшая глыбіня 15,8 м, сярэдняя 5,8 м. Аб’ём вады 15,1 млн м³. Плошча вадазбору 25,8 км².
Катлавіна возера лагчыннага тыпу, выцягнутая ў напрамку з паўночнага захаду на паўднёвы ўсход. Схілы катлавіны вышынёй 2—8 м, парослыя хмызняком, у верхняй частцы разараныя. Берагавая лінія звілістая. Берагі нізкія, забалочаныя, на паўднёвым-усходзе высокія, парослыя хмызняком хмызняком. Дно з упадзінамі і мелямі, уздоўж берагоў пясчанае, глыбей высланае сапрапелем. На возеры 4 астравы агульнай плошчай 3,8 га. Возера эўтрофнае. Упадаюць 9 ручаёў, выцякае рака Бярозка (прыток Крывінкі). Зарастае каля 26 % плошчы возера. Падводная расліннасць пашыраецца на адлегласці да 50 м, надводная да 150 м ад берага возера.
У возеры водзяцца шчупак звычайны, лешч, судак, плотка, краснапёрка, мянтуз і іншыя віды рыб.
Зноскі
- ↑ Ліст карты N-35-48. Выданне 1991 г. Стан мясцовасці на 1987 г. (руск.)
Літаратура[правіць | правіць зыходнік]
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
- Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
- Государственный водный кадастр: Водные ресурсы, их использование и качество вод (за 2004 год). — Мн.: Министерство природных ресурсов и охраны окружающей среды, 2005. — 135 с.
- Ресурсы поверхностных вод СССР. Описание рек и озёр и расчёты основных характеристик их режима. Т. Ч.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 31. — 72 с. — 10 000 экз. — ISBN 978-985-508-136-5. (руск.)