Жэрынскае
| Жэрынскае возера | |
|---|---|
 | |
| Морфаметрыя | |
| Вышыня над узроўнем мора | 139 м |
| Даўжыня | 6,6 км |
| Шырыня | 1,7 км |
| Плошча | 8,74 км² |
| Аб’ём | 0,0458 км³ |
| Даўжыня берагавой лініі | 14,8 км |
| Найбольшая глыбіня | 3,6 м |
| Басейн | |
| Плошча вадазбору | 45,8 км² |
| Упадаюць | ручаі |
| Выцякаюць | ручай Чарнуха |
| Размяшчэнне | |
| Краіна |
 Беларусь |
  Жэрынскае возера |
|
|
|
|
 Жэрынскае возера |
|
 |
|
 Медыяфайлы на Вікісховішчы | |
Жэ́рынскае возера — возера ў Беларусі, у Чашніцкім раёне Віцебскай вобласці ў басейне ракі Усвейка (прыток Улы). За 9 км на ўсход ад горада Чашнікі.
Плошча люстра возера 8,74 км². Найбольшая глыбіня 3,6 м. Даўжыня 6,6 км, найбольшая шырыня 1,7 км. Даўжыня берагавой лініі 14,8 км.
Назва звязана са стараславянскім словам «жерел» — выток, вусце, гарлавіна.
Размешчана на Чашніцкай раўніне. Катлавіна возера выцягнутай формы, схілы вышынёй да 2 метраў (на паўднёвым усходзе і захадзе да 10 метраў). Берагі нізінныя, топкія, на 38 % зараслі лесам і хмызняком, на захадзе — пясчаныя.
У паўднёвай частцы возера востраў плошчай каля 14 гектараў. Возера моцна зарастае. Дно выслана сапрапелем, уздоўж заходняга берага пясчанае.
У возера ўпадаюць 6 ручаёў і выцякае ручай Чарнуха ў раку Усвейка. Пратокамі звязваецца за азёрамі Святое і Дрэвічнае.
Каля возера — катлавіна з залежамі торфу. Да берага возера прымыкае балота, у якім растуць брусніцы і журавіны. У возеры водзяцца шчупак, акунь, лешч, карась, лінь і іншыя віды рыб.
Уздоўж берага возера знаходзяцца вёскі Жэрына, Грынькі, Баравыя, Грушава, Лазукі.
Літаратура[правіць | правіць зыходнік]
- Жэрынскае возера // Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1. — С. 166—167.
- Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 30, 57. — 72 с. — 10 000 экз. — ISBN 978-985-508-136-5. (руск.)
- Витебская область: Общегеографический атлас / Ред. И. Н. Шлык. — Мн.: РУП «Белкартография», 2008. — С. 26. — 36 с. — 5 000 экз. — ISBN 978-985-508-049-8. (руск.)