Мёрскае

Мёрскае
Морфаметрыя
Вышыня над узроўнем мора	142,2 м
Даўжыня	3,49 км
Шырыня	0,63 км
Плошча	1,15 км²
Аб’ём	5,24 км³
Даўжыня берагавой лініі	8,8 км
Найбольшая глыбіня	13,2 м
Басейн
Плошча вадазбору	63,6 км²
Размяшчэнне
Краіна	Беларусь
Мёрскае
Медыяфайлы на Вікісховішчы

Мёрскае — возера ў Мёрскім раёне Віцебскай вобласці. Знаходзіцца ў межах горада Мёры. Належыць да групы Абстэрнаўскіх азёр.

Назва

Паводле К. Бугі, назва ракі Мёрыцы, што выцякае з возера Мёры (Мёрскае), таго ж паходжання, што і літоўскі гідронім Mera. Назву літоўскай ракі Mera А. Ванагас звязваў з літоўскім marios "затока" і далей з індаеўрапейскім *mor- "стаячая вада".

У множным ліку таксама, напрыклад, назва возера Dysnai на тэрыторыі Літвы, з якога выцякае рака Дзісна.

Гідраграфія

Возера Мёрскае знаходзіцца ў басейне ракі Мёрыца. Плошча возера складае 1,15 км². Найбольшая глыбіня 13,2 м. Даўжыня — 3,49 км, найбольшая шырыня — 0,63 км. Даўжыня берагавой лініі — 8,8 км. Аб'ём вады ў возеры складае 5,24 млн м³, плошча вадазбору — 63,6 км².

Схілы катлавіны возера маюць вышыню 6—9 метраў. Схілы пераважна разараныя, месцамі знаходзяцца пад хмызняком. Берагі пясчаныя, на поўдні і на захадзе знаходзяцца пад хмызняком. На паўднёвым усходзе берагі забалочаныя. Мелкаводдзе пясчанае, глыбакаводная зона высланая глеем. Возера мае востраў, якая знаходзіцца ў заходнім плёсе возера. Плошча вострава складае 0,044 км². Цэнтральны і заходні плёсы возера раздзяляюцца дамбай. Зарастае каля траціны плошчы возера. Расліннасць у возеры пашыраная да глыбіні 1,8—2 м.

Вадаём злучаны пратокай з возерам Асінаўка.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Беларуская энцыклапедыя: У 18 т. Т. 10: Малайзія — Мугараджы / Рэдкал.: Г. П. Пашкоў і інш.. — Мн.: БелЭн, 2000. — Т. 10. — С. 328. — 544 с. — 10 000 экз. — ISBN 985-11-0169-9 (Т. 10).