Нюля

Нюля
Морфаметрыя
Вышыня над узроўнем мора	136 м
Даўжыня	0,85 км
Шырыня	0,3 км
Плошча	0,2 км²
Аб’ём	0,0006 км³
Даўжыня берагавой лініі	2,08 км
Найбольшая глыбіня	6,7 м
Сярэдняя глыбіня	3 м
Гідралогія
Салёнасць	0,27 ‰
Празрыстасць	5 м
Басейн
Плошча вадазбору	3,15 км²
Упадаюць	ручаі
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Нюля
Нюля

Ню́ля — возера ў Лепельскім раёне Віцебскай вобласці ў басейне ракі Ула.

Плошча паверхні возера 0,2 км². Даўжыня 0,85 км, найбольшая шырыня 0,3 км. Найбольшая глыбіня возера дасягае 6,7 м, сярэдняя каля 3 м. Даўжыня берагавой лініі 2,08 км. Плошча вадазбору 3,15 км².

Катлавіна возера тэрмакарставага тыпу, выцягнутая з захаду на ўсход. Схілы катлавіны вышынёй 5—8 м, месцамі стромкія. Берагавая лінія слабазвілістая. Берагі нізкія, пясчаныя. Уздоўж заходняга берага пойма шырынёй да 100 метраў. У заходняй частцы возера востраў плошчай 0,2 га. Дно да глыбіні 3 м пясчанае, глыбей выслана гліністым ілам.
Возера Нюля эўтрофнае, слабапраточнае. На захадзе ўпадае ручай з возера Бораўна, на паўночным захадзе выцякае ручай у раку Ула. Расліннасць распаўсюджваецца да глыбіні 2 м на адлегласці да 20 м ад берага.

У возеры водзяцца акунь, шчупак, лешч, карась, карп, краснапёрка, плотка і іншыя віды рыб.

Літаратура

• Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 10 000 экз.
• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 401.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 29. — 72 с. — 10 000 экз. — ISBN 978-985-508-136-5. (руск.)
• Республика Беларусь. Витебская область. Лепельский район: карта. — Мн.: Белкартография, 2009. — Доп.тираж 3 000 экз. (руск.)