Вольга Генадзеўна Сітнік
| Вольга Генадзеўна Сітнік | |
|---|---|
 | |
| Род дзейнасці | актывістка, вікімедыстка, вікіпедыстка |
| Дата нараджэння | 24 студзеня 1983 (42 гады) |
| Месца нараджэння | |
| Грамадзянства | |
| Альма-матар | |
 Медыяфайлы на Вікісховішчы | |
Вольга Генадзеўна Сітнік (нар. 24 студзеня 1983, Слуцк, Мінская вобласць) — беларуская вікіпедыстка. Адміністратарка беларускамоўнага раздзела Вікіпедыі. Аўтар тысяч артыкулаў і 200 тысяч правак. Некалькі разоў затрымлівалася з красавіка 2025 года. Разам з іншымі вікіпедыстамі праходзіць па невядомай крымінальнай справе. Праваабарончымі арганізацыямі прызнана палітычнай зняволенай.
Біяграфія
[правіць | правіць зыходнік]Нарадзілася і расла ў Слуцку[1]. Вучылася ў школе № 10 імя С. Ф. Рубанава. У 2005 годзе скончыла факультэт інфармацыйных тэхналогій і робататэхнікі БНТУ па спецыяльнасці «робататэхніка»[2].
Актыўна ўдзельнічае ў Вікіпедыі з 2009 года пад псеўданімам «Хомелка». У 2010 годзе атрымала статус адміністратара раздзела[3]. У асноўным піша пра гісторыю і культуру Беларусі, вядомых асоб, помнікі архітэктуры, жывёльны і раслінны свет[1]. Больш за два дзясяткі артыкулаў яе аўтарства былі адзначаны статусам «добрых» ці «выдатных»[3]. Аўтар тысяч артыкулаў і сотні тысяч правак[2][4]. Прадстаўляла беларускую Вікіпедыю на Вікіманіі-2014 у Лондане[1].
Акрамя Вікіпедыі таксама ўдзельнічае ў Вікікрыніцах і Вікісховішчы[1].
Пераслед
[правіць | правіць зыходнік]17 красавіка 2025 года Вольга перастала выходзіць на сувязь і правіць артыкулы. Яна была затрымана, але пазней адпушчана дадому. 7 мая Вольгу зноў затрымалі і змясцілі на 10 сутак на Акрэсціна[5][6]. Сутнасць абвінавачанняў застаецца невядомай. Сітнік праходзіць па крымінальнай справе з іншымі адміністратарамі беларускай Вікіпедыі, якія аказаліся за кратамі. У чэрвені 2025 года з захопленага сілавікамі акаўнта Вольгі ў Тэлеграме дасылаліся розныя паведамленні ў чатах беларускай дыяспары пра пошук фатографаў на пратэсныя акцыі[4]. 23 ліпеня 2025 года беларускімі праваабарончымі арганізацыямі была прызнана палітычнай зняволенай[7].
Асабістае жыццё
[правіць | правіць зыходнік]Замужам[1]. Мае трох дзяцей: старэйшую дачку Ганну і двух малодшых двайнятак[1][2]. На момант затрымання ў 2025 годзе ўсе яны былі непаўналетнімі[8].
Гл. таксама
[правіць | правіць зыходнік]Крыніцы
[правіць | правіць зыходнік]- ↑ а б в г д е Кісляк, Васіль. Каго заманіла Вікіманія? . Новы Час (7 верасня 2014). Архівавана з першакрыніцы 15 мая 2025. Праверана 23 ліпеня 2025.
- ↑ а б в «Мая мара — каб у інтэрнэце можна было знайсці любую інфармацыю па-беларуску». Інтэрв'ю з беларускімі вікіпедыстамі . Наша Ніва (11 лютага 2016). Архівавана з першакрыніцы 11 ліпеня 2025. Праверана 23 ліпеня 2025.
- ↑ а б Прызначана дата суда над Нінай Багінскай. Хронікі рэпрэсій 15 траўня . Новы Час (15 мая 2025). Архівавана з першакрыніцы 11 ліпеня 2025. Праверана 23 ліпеня 2025.
- ↑ а б Спецслужбы шукаюць фатографаў на мітынг Ціханоўскіх праз скрадзены акаўнт арыштаванай рэдактаркі Вікіпедыі . Наша Ніва (25 чэрвеня 2025). Архівавана з першакрыніцы 12 ліпеня 2025. Праверана 23 ліпеня 2025.
- ↑ Адміністратарку беларускай Вікіпедыі кінулі на суткі . Наша Ніва (15 мая 2025). Архівавана з першакрыніцы 2 чэрвеня 2025. Праверана 23 ліпеня 2025.
- ↑ Вольга Сітнік . Вясна.
- ↑ Заява аб прызнанні 20 чалавек палітычнымі зняволенымі . Вясна (23 ліпеня 2025).
- ↑ Праваабаронцы прызналі палітвязьнямі яшчэ 20 чалавек . Радыё Свабода (23 ліпеня 2025). Праверана 23 ліпеня 2025.
Спасылкі
[правіць | правіць зыходнік]| Фота, відэа і аўдыё |
|---|
