Вольга Мікалаеўна Навумава

Вольга Мікалаеўна Навумава
Дата нараджэння	9 снежня 1929(1929-12-09) (96 гадоў)
Месца нараджэння	Стрэліца, Салігаліцкае сельскае паселішча[d], Салігаліцкі раён[d], Іванаўская Прамысловая вобласць[d], РСФСР, СССР
Грамадзянства	СССР  Беларусь
Альма-матар	Маскоўскі архітэктурны інстытут (1954)
Месца працы	Казгарбудпраект[d] Мінскпраект
Член у	Саюз архітэктараў СССР Беларускі саюз архітэктараў

Вольга Мікалаеўна Навумава (9 снежня 1929, в. Стрэліца, Салігаліцкі раён, Кастрамская вобласць) — беларускі архітэктар.

Біяграфія

Скончыла Маскоўскі архітэктурны інстытут у 1954 годзе. Працавала архітэктарам, галоўным архітэктарам праектаў у Казгарбудпраекце ў Алма-Аце. З 1975 года — галоўны архітэктар праектаў у Мінскпраекце.

Член Саюза архітэктараў СССР з 1957 года. Пражывае ў Мінску.

Творчасць

У Алма-Аце ўдзельнічала ў праектаванні Палаца спорту (1966), аэравакзала (1975), карціннай галерэі імя Т. Р. Шаўчэнкі (1976), у стварэнні тыпавых праектаў школ (1974).

Асноўныя працы (у аўтарскім калектыве): жылыя дамы ў мікрараёне Чыжоўка-3 (1978), 9-павярховы жылы дом і 12-павярховы будынак майстэрняў Мастацкага фонду БССР па вул. Сурганава, бібкалектар (1979), інтэрнат Мінскага радыётэхнічнага інстытута па вул. Усходняй, 9-, 12-павярховыя жылыя дамы па вул. Маякоўскага (1982) у Мінску.

Літаратура

• Наумова Ольга Николаевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)