Вольфганг Кіндль

З Вікіпедыі, свабоднай энцыклапедыі
Вольфганг Кіндль
Агульная інфармацыя
Пол мужчынскі пол
Мянушка Johnny[1]
Спецыялізацыя санны спорт[2]
Нарадзіўся 18 красавіка 1988(1988-04-18) (35 гадоў)
Грамадзянства
Гады кар’еры з 2007
Рост 167 см
Вага 80 кг
Лагатып Вікісховішча Медыяфайлы на Вікісховішчы

Волфганг Кіндль (ням.: Wolfgang Kindl; нар. 18 красавіка 1988, Інсбрук, Ціроль, Аўстрыя) — аўстрыйскі саначнік, сярэбраны прызёр Алімпійскіх гульняў 2022 года ў адзіночках, двухразовы чэмпіён свету, прызёр чэмпіянатаў Еўропы.

Біяграфія[правіць | правіць зыходнік]

Вольфганг Кіндль нарадзіўся 18 красавіка 1988 года ў горадзе Інсбрук, зямля Ціроль. Актыўна займацца санным спортам пачаў ва ўзросце адзінаццаці гадоў, пасля школы пайшоў служыць у войска, дзе працягнуў трэніроўкі. На Кубку свету дэбютаваў у сезоне 2006/07, фінішаваў дваццаць трэцім на этапе ў італьянскай Чэзане. У агульным заліку, тым не менш, аказаўся толькі на сорак трэцяй пазіцыі. У наступным годзе вынікі аўстрыйца прыкметна палепшыліся, ён прыняў удзел ва ўсіх кубкавых заездах сезона і заняў у сусветным рэйтынгу саначнікаў дзевятнаццаты радок. У 2008 годзе сенсацыйна атрымаў перамогу на маладзёжным чэмпіянаце свету ў амерыканскім Лейк-Плэсідзе, абагнаўшы нават знакамітага немца Фелікса Лоха.

Дзякуючы чарадзе ўдалых выступленняў Кіндль удастоіўся права абараняць гонар краіны на Алімпійскіх гульнях 2010 года ў Ванкуверы, дзе фінішаваў дзявятым. Завяршыў сезон паспяховым выступленнем на чэмпіянаце Еўропы ў латвійскай Сігулдзе, заваяваўшы сярэбраныя медалі адразу ў дзвюх дысцыплінах: аднамесных санях і камандных спаборніцтвах. У 2011 годзе на чэмпіянаце свету ў Чэзане здолеў падняцца да восьмай пазіцыі, і да гэтага часу гэта найлепшы яго вынік на дарослых сусветных першынствах.

У 2014 годзе Кіндль пабываў на Алімпійскіх гульнях у Сочы, дзе фінішаваў дзявятым у мужчынскай адзіночнай праграме і стаў сёмым у змешанай эстафеце.

У 2017 годзе на дамашнім чэмпіянаце свету Вольфганг упершыню стаў чэмпіёнам свету, выйграўшы асабістыя спаборніцтвы, а праз два дні аўстрыец стаў двухразовым пераможцам сусветнага першынства, паўтарыўшы паспяховы вынік у спрынце.

На Алімпійскіх гульнях 2022 года ў Пекіне Кіндль у другі дзень спаборніцтваў 6 лютага заваяваў срэбра ў адзіночках.

Зноскі

  1. Olympedia — 2006.
  2. (unspecified title)International Luge Federation. Праверана 2 мая 2022.