Луйтла-Дуймун

Луйтла-Дуймун Lítla Dímun
Характарыстыкі
Плошча	0,8 км²
Найвышэйшы пункт	414 м
Насельніцтва	0 чал.
Размяшчэнне
61°38′ пн. ш. 6°42′34″ з. д.
Краіна	Фарэрскія астравы
Луйтла-Дуймун Lítla Dímun
Медыяфайлы на Вікісховішчы

Луйтла-Дуймун (фар.: Lítla Dímun «Малы Дуймун») — самы маленькі і адзіны незаселены з 18 Фарэрскіх астравоў, размешчаных паміж Шатландыяй і Ісландыяй. Плошча 0,8 км². Найвышэйшы пункт — гара Раван вышынёй 414 метраў. Востраў незаселены.

Назва «Дуймун» меркавана паходзіць з кельцкай мовы і азначае «два ўзгоркі». Маюцца на ўвазе дзве гары на суседніх астравах Вялікі і Малы Дуймун.

Малы Дуймун ніколі не быў населены. Яго адзіныя насельнікі — авечкі і тупікі. Авечак тут пасвяць са старажытных часоў.

На востраве — самая бедная флора Фарэрскіх астравоў, якая налічвае ўсяго восем відаў раслін.

У 1850 годзе востраў быў прададзены з таргоў за 5000 дацкіх талераў. У часе гандлю каралеўскія прадстаўнікі штучна завышалі цану, каб узбагаціць каралеўскую казну.

Спасылкі

• Litladimun.com — Афіцыйны сайт уладальнікаў вострава Архівавана 11 снежня 2008. (фарэр.)
• Остров Луйтла-Дуймун, место, где отдыхают облака, Фарерские острова (руск.)