Вульва
Вульва (лац.: vulva) — медыцынская (інакш: навуковая) назва знешніх палавых органаў жанчыны (вонкавых геніталій); пад агульнай назвай аб’ядноўвае наступныя жаночыя мочапалавыя органы, размешчаныя каля ўваходу ў радавыя шляхі: пераддзвер’е похвы, цнатлівая плява (у нявінніц), вялікія залозы пераддзвер’я (барталінавыя залозы), выхад урэтры (мочаспускальнага канала), малыя палавыя вусны (німфы), клітар, вялікія палавыя вусны, жаночую праміжнасць і лабок (венерын грудок).
Утворана мяккімі покрыўным тканкамі — скурай і слізістай; у залежнасці ад развіцця (анатамічнага «складу») вульвы ў гінекалагічнай і сексалагічнай літаратуры маюць уласную класіфікацыю. Запаленні вульвы называюцца вульвітамі.
Апісанне[правіць | правіць зыходнік]
1 — клітар; 2 — вялікія палавыя губы; 3 — дзявоцкая балона; 4 — вуздэчка палавых губ (задняя малых палавых вуснаў малых палавых губ); 5 — капюшон клітара; 6 — малыя палавыя губы; 7 — вонкавая адтуліна урэтры; 8 — похва
Вонкавыя геніталіі размешчаны ўнізе таза, размяшчаючыся ад лабковай дугі вентральна да крыжа дарсальна над унутранай паверхняй сцёгнаў. Дном для ўнутраных палавых і сумежных з імі органаў служыць дыяфрагма таза, якая складаецца з мышцаў і фасцый[1].
