Беларуская вуліца (Мінск)
(Пасля перасылкі з Вуліца Беларуская, Мінск)
| Беларуская Мінск | |
|---|---|
| Агульная інфармацыя | |
| Краіна | Беларусь |
| Горад | Мінск |
| Раён | Ленінскі раён |
| Працягласць | 0,8 км |
| Найбліжэйшыя станцыі метро |
 Плошча Леніна, Першамайская |
Вуліца Беларуская — вуліца ў Ленінскім раёне Мінска.
Размяшчэнне[правіць | правіць зыходнік]
На большай частцы сваёй даўжыні арыентавана з паўночнага захаду на паўднёвы ўсход. Пачынаецца ад скрыжавання з вуліцай Ульянаўская, з паўднёвага захаду прымыкае Круглы завулак, каля чыгуначных пуцей вуліца паварочвае і цягнецца на ўсход да стадыёна БДТУ. Даўжыня вуліцы складае каля 800 м.
Забудова[правіць | правіць зыходнік]
Цотны бок[правіць | правіць зыходнік]
- № 2 (Ульянаўская № 23) — Пасольства Рэспублікі Малдова.
- № 4 — Пасольства Лівіі.
Няцотны бок[правіць | правіць зыходнік]
- № 19 — інтэрнат № 4 БДТУ (1973).
- № 21 — інтэрнат № 5 БДТУ, 15-павярховы будынак блокавага тыпу з 212 жылымі блокамі (424 пакоямі). Уведзены ў эксплуатацыю ў 1978 годзе. У 2011—2013 гг. праведзена цеплавая рэабілітацыя і мадэрнізацыя будынка без адсялення студэнтаў[1].
Паркі[правіць | правіць зыходнік]
Вуліца цягнецца ўздоўж водна-зялёнага дыяметра Мінска, каля скрыжавання з вуліцай Ульянаўская размешчаны Ляхаўскі сквер.
Славутасці[правіць | правіць зыходнік]
- Мемарыяльная дошка падпольшчыкам на доме № 21. Устаноўлена ў 1984 г. (архіт. Б. Сідарэнка; сілумін). Паблізу сучаснага будынка інтэрната ў Вялікую Айчынную вайну знаходзіўся дом (былы 1-ы Беларусі завулак, 6), у якім у 1941—1943 гадах размяшчалася канспірацыйная кватэра Мінскага падпольнага гаркама КП(б)Б. У доме жыў актыўны ўдзельнік Мінскага камуністычнага падполля, выпускнік 20-й школы горада, камсамолец З. З. Гало (псеўданімы Зорык, Максім)[2].
Зноскі
- ↑ БГТУ. Общежитие № 5 Архівавана 29 кастрычніка 2016.
- ↑ Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
