Вуліца Вялікая Дзмітраўка
| Вуліца Вялікая Дзмітраўка Цвярскі раён | |
|---|---|
 | |
| Агульная інфармацыя | |
| Краіна | |
| Горад | |
| Працягласць |
|
 |
|
 Медыяфайлы на Вікісховішчы | |
Вялікая Дзмітраўка (руск.: Больша́я Дми́тровка) — вуліца ў Цвярскім раёне Цэнтральнай адміністрацыйнай акругі горада Масквы. Праходзіць ад вуліцы Ахотны Рад да Страснога бульвара.
Назва вядомая з XIV стагоддзя. Дадзена ад дарогі, якая вядзе ў горад Дзмітраў.
У пачатку 1920-х гадоў вуліцу перайменавалі ў вуліцу Эжэна Пацье ў гонар удзельніка Парыжскай камуны і аўтара «Інтэрнацыянала», але гэта назва не прыжылася. У 1937 годзе вуліцу перайменавалі ў Пушкінскую вуліцу да 100-годдзя з дня смерці А. С. Пушкіна, прытым, што ў вуліцы з паэтам агульнае толькі тое, што ў адным з яе дамоў у 1830 годзе ён прайграў буйную суму грошай картачнаму шулеру В. С. Агонь-Даганоўскаму. Гэты пройгрыш Пушкін выплачваў па частках на працягу многіх гадоў, і апошнюю частку выплацілі яго спадчыннікі ўжо пасля гібелі паэта на дуэлі. У 1993 годзе вуліцы вярнулі яе гістарычную назву.