Вышэйшая школа эканомікі і культуры

Вышэйшая школа эканомікі і культуры
лат.: Ekonomikas un kultūras augstskola
Арыгінальная назва	лат.: Ekonomikas un kultūras augstskola
Міжнародная назва	англ.: EKA University of Applied Sciences
Заснаваны	1998
Краіна	Латвія
Размяшчэнне	Рыга
Сайт	augstskola.lv

Вышэйшая школа эканомікі і культуры (лат.: Ekonomikas un kultūras augstskola) — латвійская прыватная вышэйшая навучальная ўстанова, якая знаходзіцца ў Рызе.

Агульная характарыстыка

Заснавана ў 1998 годзе. У 2019 годзе, рэалізуючы стратэгічны план развіцця, вучэльня пры падтрымцы банка «Citadele» набыла будынак на вуліцы Пярнавас у Рызе. За пяць гадоў плануецца ўкласці тры мільёны еўра ў стварэнне сучаснай вучэбнай прасторы ў будынку. У ім будуць спецыялізаваныя аўдыторыі і лабараторыі, якія будуць даступныя студэнтам 24 гадзіны ў суткі.

Навучальныя праграмы бакалаўрыяту: кіраванне (на латышскай і англійскай мовах), эканоміка бізнесу, бухгалтарскі ўлік і аўдыт, дызайн інтэр’еру, кіраванне культурай, правазнаўства, інфармацыйныя тэхналогіі, дызайн і графіка камп’ютарных гульняў. Прафесійныя праграмы вышэйшай адукацыі першага ўзроўню: маркетынг, арганізацыя мерапрыемстваў, міжнародны гандаль і лагістыка. Праграмы магістратуры: кіраванне бізнесам (на латышскай і англійскай мовах).

У рамках праграмы ERASMUS вучэльня заключыла дагаворы з вышэйшымі навучальнымі ўстановамі Італіі, Іспаніі, Славеніі, Чэхіі, Польшчы, Літвы, Вялікабрытаніі, Нідэрландаў, Германіі і іншых краін Еўрапейскага саюза.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Сайт установы