Вэб-праграма
Вэб-праграма (англ.: web application) — праграмнае забеспячэнне, доступ да якога ажыццяўляецца з дапамогай вэб-браўзера. Вэб-праграмы дастаўляюцца ў Сусветным павуцінні (World Wide Web) карыстальнікам, якія падключаны да сеткі.
Логіка вэб-праграмы размеркавана паміж серверам і кліентам (браўзерам), захоўванне даных ажыццяўляецца, пераважна, на серверы, абмен інфармацыяй адбываецца па сетцы, звычайна па сетцы Інтэрнэт. Адной з пераваг такога падыходу з’яўляецца той факт, што кліенты не залежаць ад канкрэтнай аперацыйнай сістэмы карыстальніка, таму вэб-праграмы з’яўляюцца кросплатформавымі, дзякуючы таму, што могуць працаваць на любой АС, дзе ёсць браўзер.
Вэб-праграмы сталі шырока выкарыстоўвацца ў канцы 1990-х — пачатку 2000-х гадоў.
Слоўнікі і энцыклапедыі | |
|---|---|
| Нарматыўны кантроль |
