Вялікі бар’ерны рыф

Выгляд Вялікага бар'ернага рыфа з космасу

Вялі́кі бар'е́рны рыф (па-англійску: Great Barrier Reef) — самы вялікі ў свеце каралавы рыф, знаходзіцца каля ўзбярэжжа Аўстраліі. Гэта самае вялікае на Зямлі стварэнне жывых арганізмаў, якое бачна з космасу (як белая смуга ў блакітным акіяне).

Сусветная спадчына ЮНЕСКА, аб'ект № 154 рус. • англ. • фр.

Агульныя звесткі

Шырыня рыфа ад 300 метраў да 2 кіламетраў, а адлегласць ад мацерыка складае ад 8 да 180 км. Складаецца з каля 2500 асобных рыфаў і каля 1000 астраўкоў. Агульная плошча Вялікага бар'ернага рыфа складае 230 тыс.км². Даследаванні, якія вяліся на рыфах, выявілі, што таўшчыня некаторых каралаў перавышае 500 метраў. Узрост каралаў ацэньваецца каля 2 млн.гадоў, а некаторых да 18 млн. гадоў.

Натуральнае асяроддзе

Існуе каля 350 відаў каралаў, 1500 відаў рыб, больш за 4000 відаў малюскаў, 500 відаў водарасцей і 215 відаў птушак. Найбольшыя астравы пакрыты густой трапічнай расліннасцю. Вялікі бар'ерны рыф — гэта адно з найцікавейшых турыстычных месцаў Аўстраліі.

З 26 кастрычніка 1981 года, як марскі парк (Great Barrier Reef Marine Park), Вялікі бар'ерны рыф уключаны ў Спіс Сусветнай Спадчыны ЮНЕСКА. Плошча парка, якая ахоўваецца ЮНЕСКА, складае 346.000 км².

Тыпы рыфаў

Рыфы дзеляцца на тры тыпы:

• прыбярэжныя — фарміруюцца каля ўзбярэжжаў выспаў ці кантынентаў;
• бар'ерныя — далей ад берага;
• акіянічныя — у акіяне.

Адкрывальнікі Вялікага бар'ернага рыфа

• 1606 — Луіс Ваэз дэ Торрэс
• 11 чэрвеня 1770 — Джэймс Кук на караблі “Індэвар”
• 1789 — капітан Вільям Блік на караблі “Баўнці”.

Гл. таксама

• Лізард
• Галапагас
• Нацыянальны парк Камода
• Паўвостраў Вальдэс

Спасылкі

• На Вікісховішчы ёсць медыяфайлы па тэме Вялікі бар’ерны рыф