Вярба плакучая

Вярба плакучая
Вярба плакучая ў Стамбуле
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Вярбовыя Род:  Вярба Від:  Вярба плакучая
Міжнародная навуковая назва
Salix babylonica L.
Сістэматыка на Віківідах Выявы на Вікісховішчы ITIS   22503 NCBI   75706 GRIN   t:32683 IPNI   777133-1 TPL   kew-5004552

Вярба плакучая, таксама ўжываецца вярба вавілонская (лац.: Sálix babylónica) — дравяністая расліна, від роду Вярба (Salix) сямейства Вярбовыя (Salicaceae).

Батанічнае апісанне

Батанічная ілюстрацыя з кнігі Дітрыха Брандіса "Ілюстрацыі лясной флоры паўночна-заходняй Індыі", 1874

Вярба плакучая — дрэва вышынёй 10-12 м, ствол 50-60 см у дыяметры. Крона складаецца з доўгіх, тонкіх, павіслых да зямлі галін — голых, бліскучых, чырвонага або жаўтлява-зялёнага колеру.

Лісце даўгаватай або вузка-ланцэтнай формы, лязам выцягнутыя да верхавіны, паступова звужаецца да падставы; даўжыня 9-16 см, шырыня 1—2,5 см. Па краях жалезіста-пільчатыя, зверху цёмназялёнага, знізу шыза- зялёнага колеру. Маладое лісце слаба опушанае, дарослае голае. Жылкі другога парадку тонкія, 15—30 штук, адыходзяць да вуглом 45-70°. Прылісткі коса-ланцетовіднай формы, зубчастай або шылападобнай формы; часам ператвараюцца ў калючкі. Хвосцік дасягае ў даўжыню 1 см, валасісты, даволі часта жалезісты.

Тычынак дзве, яны свабодныя. Нектарнікаў два ў мужчынскіх кветках, і адзін у жаночых.

Сярожкі тонкія, з’яўляюцца альбо раней, альбо пазней лісця, размешчаны на скарочаных галінках, тонкацыліндрычныя. Кубачкі яйкападобна-ланцэтнай формы, колер жаўтлява-зялёны або бледна-палёвы, заўсёды аднастайны. Песцік патоўшчаны, жаўтлявага колеру, з 2—4 шырокімі лопасцямі.

Прыроднае распаўсюджванне і ўжыванне

Вярба плакучая, Клод Манэ (1918).

Прыродная вобласць распаўсюду вярбы плакучай — Кітай. Завезена ў Афрыку, Паўночную Амерыку, Еўропу, Аўстралію.

Вярба плакучая — шырока распаўсюджаная дэкаратыўная расліна. Вылучаецца хуткім расам. Добра сябе адчувае на розных тыпах глебы. Эфектыўная ў адзіночных пасадках і ў невялікіх групах. Часцей за ўсё вярбу плакучую высаджваюць каля вадаёмаў і на газонах.

Спасылкі

• Ива вавилонская: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)