Іванск

Аграгарадок Іванск Краіна Беларусь Вобласць Віцебская Раён Чашніцкі Сельсавет Іванскі Каардынаты 54°56′11″ пн. ш. 29°08′47″ у. д. Насельніцтва ▼456 чал. (2009) Часавы пояс UTC+3 Тэлефонны код +375 2133 Аўтамабільны код 2 СААТА 2251808026 Іванск на карце Беларусі ±

Іванск на Вікісховішчы

Іва́нск (трансліт.: Ivansk, руск.: Иванск) — аграгарадок у Чашніцкім раёне Віцебскай вобласці. Уваходзіць у склад Іванскага сельсавета.

Гісторыя

Вядомы прынамсі з 1563 года, калі згадваецца ў маскоўскай пісцовай кнізе Полацкага павета як "манастырскае сяльцо Іванаўскае" ў Сялецкай воласці на рацэ Уле, цэнтр уладанняў полацкага Іаана-Прадцечанскага манастыра, у склад якіх уваходзіла яшчэ 4 неназваныя возеры і 15 неназваных вёсак. З Рэвізіі 1552 года вядома, што ў склад гэтых уладанняў уваходзілі "людзі" Копцеўскія, Дзямідаўскія і Прыстойскія нада ракой Улай.

У 1564 годзе на палях каля сяла адбылася бітва на Уле.

Рэвізоры ў 1580 годзе адзначалі, што раней у манастырскім маёнтку "людзей" Копцеўскіх, Дзямідаўскіх, Прыстойскіх, Еванскіх было 86 і давалі яны кожны 4 сноп з усяго збожжа і палову мёду з усіх борцяў, але на час рэвізіі ўсе "разышліся прэч", што пэўна было наступствам Лівонскай вайны (1558—1583). Станам на 1580 год названыя чатыры сяла трымаў кашталян смаленскі "ку Дзісне".

Вядомыя асобы

• Іван Міхайлавіч Краснік (1906—1957), Герой Савецкага Саюза (1945).

Славутасці

• Сядзібна-паркавы ансамбль Валадковічаў

• 
  Флігель сядзібы
• 
  Рэшткі сядзібнага дома

Спасылкі

• На Вікісховішчы ёсць медыяфайлы па тэме Іванск
• Іванск на сайце Глобус Беларусі (руск.)