Агародзішча

Вёска Агародзішча Краіна Беларусь Вобласць Гродзенская Раён Шчучынскі Каардынаты 53°57′43″ пн. ш. 24°31′01″ у. д. Агародзішча на карце Беларусі ±

Агародзішча (руск.: Огородище) — былая вёска ў Шчучынскім раёне Гродзенскай вобласці.

Гісторыя

Да Вялікай Айчыннай вайны ўваходзіла ў склад Васілішкаўскага раёна Баранавіцкай вобласці.

26 лютага 1943 года 500 карнікаў на досвітку акружылі вёску, сагналі жыхароў у хату Мацвея Саковіча, мужчынам загадалі выкапаць яму і па 10 чалавек выводзілі расстрэльваць. Вёску (28 хат) спалілі. Загінулі 147 жыхароў.

Пасля вайны вёска так і не была адноўлена.

Насельніцтва

• XX стагоддзе:
  • да вайны — 28 двароў, 153 жыхары.

Славутасці

• Мемарыяльны комплекс на месцы спаленай вёскі. Да 2003 г. непадалёку ад Котры стаяў помнік з надпісам: «Тут пахаваны 147 жыхароў вёскі Агародзішча, растраляных нямецка-фашысцкімі акупантамі 26 лютага 1943 года». У сувязі з 60-годдзем трагедыі ў 2003 г. быў устаноўлены мемарыяльны комплекс.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Агародзішча ў электроннай базе даных «Беларускія вёскі, спаленыя ў гады Вялікай Айчыннай вайны»