Антонаўка (Буда-Кашалёўскі раён)

Вёска Антонаўка Краіна Беларусь Вобласць Гомельская Раён Буда-Кашалёўскі Сельсавет Рагінскі Каардынаты 52°54′55″ пн. ш. 30°39′22″ у. д. Першая згадка XIX стагоддзе Насельніцтва 38 чалавек (2004) Часавы пояс UTC+3 Тэлефонны код 2336 Паштовыя індэксы 247368 Аўтамабільны код 3 СААТА 3205876006 Антонаўка на карце Беларусі ±

Анто́наўка (трансліт.: Antonaŭka, руск.: Антоновка) — вёска ў Буда-Кашалёўскім раёне Гомельскай вобласці. Уваходзіць у склад Рагінскага сельсавета.

Геаграфія

Размяшчэнне

У 23 км на паўночны ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 53 км ад Гомеля.

Гідраграфія

На захадзе меліярацыйны канал.

Транспартная сетка

Побач шаша Доўск — Гомель.

Планіроўка складаецца з кароткай просталінейнай вуліцы, арыентаванай з паўднёвага захаду на паўночны ўсход, да якой на поўдні пад прамым вуглом далучаецца кароткая просталінейная вуліца. Забудова драўлянымі дамамі сядзібнага тыпу.

Гісторыя

Па пісьмовых крыніцах вядомая з канца XIX стагоддзя як вёска ў Мяркулавіцкай воласці Рагачоўскага павета Магілёўскай губерні. У 1880 годзе размяшчаўся хлебазапасны магазін. Па перапісу 1897 года побач размяшчаліся аднайменны фальварак, млын.

У 1918 годзе адкрыта школа, якая месцавалася ў наёмнай сялянскай хаце. У 1930 годзе жыхары вёскі ўступілі ў калгас. На франтах Вялікай Айчыннай вайны загінулі 25 жыхароў. У 1959 годзе ў складзе саўгаса «Дзербічы» (цэнтр — вёска Дзербічы).

Насельніцтва

Колькасць

• 2004 год — 19 гаспадарак, 38 жыхароў.

Дынаміка

• 1880 год — 20 двароў, 120 жыхароў.
• 1897 год — 22 двары, 169 жыхароў (паводле перапісу).
• 1909 год — 31 двор, 199 жыхароў.
• 1959 год — 176 жыхароў (паводле перапісу).
• 2004 год — 19 гаспадарак, 38 жыхароў.

Вядомыя выхадцы

• А. М. Дземчанка — адзін з арганізатараў і кіраўнікоў падпольнага і партызанскага руху на Гомельшчыне падчас Вялікай Айчыннай вайны, камісар партызанскага атрада, затым камандзір Буда-Кашалёўскай партызанскай брыгады.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0