Бартнікі (Баранавіцкі раён)

Вёска Бартнікі Краіна Беларусь Вобласць Брэсцкая Раён Баранавіцкі Сельсавет Вольнаўскі Каардынаты 53°18′08″ пн. ш. 26°09′49″ у. д. Насельніцтва ▼88 чал. (2019) Часавы пояс UTC+3 Тэлефонны код +375 163 Паштовыя індэксы 225367 Аўтамабільны код 1 СААТА 1204807006 Бартнікі на карце Беларусі ±

Бартнікі на Вікісховішчы

Ба́ртнікі (трансліт.: Bartniki, руск.: Бартники) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчаны за 28 км на паўднёвы ўсход ад Баранавічаў, за 229 км ад Брэста, за 18 км ад чыгуначнай станцыі Пагарэльцы на лініі Баранавічы — Мінск.

Да Бартнікаў далучана сумежная вёска Галёня, дзе знаходзіцца панская сядзіба Слізняў і аўтобусны прыпынак.

Працуе магазін.

Гісторыя

У 1897 годзе вёска ў Чэрніхаўскай воласці Навагрудскага павета Мінскай губерні, хлебазапасны магазін, 2 кузні, капліца, ветраны млын, карчма. Побач з вёскай знаходзілася сядзіба Бартнікі: 1 двор, 19 жыхароў, працавалі вінакурны завод і ветраны млын.

З 1921 года ў складзе Польскай Рэспублікі, у Чэрніхаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з чэрвеня 1941 года да 7 ліпеня 1944 года акупіраваны нямецка-фашысцкімі захопнікамі. На франтах вайны ў баях загінулі 30 вяскоўцаў.

Насельніцтва

• 103 двары, 528 жыхароў (1897)
• 124 дамы, 688 жыхароў (1921)
• 816 жыхароў (1939)
• 545 жыхароў (1959)
• 448 жыхароў (1970)
• 120 двароў, 180 жыхароў (1998)
• 84 гаспадаркі, 152 жыхары (2005)

Славутасці

• Капліца-пахавальня
• Сядзіба Слізняў (з паркам і возерам)
• Выток ракі Рудзіцы

Вядомыя асобы

• Аляксандр Уладзіміравіч Руцкі (1932—2015) — беларускі траўматолаг-артапед.
• Рафал Слізень (1804—1881) — беларускі скульптар, жывапісец, медальер, архітэктар.

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X

Спасылкі

• На Вікісховішчы ёсць медыяфайлы па тэме Бартнікі (Баранавіцкі раён)
• Бартнікі (Баранавіцкі раён) на сайце Глобус Беларусі (руск.)