Бліны (Віцебскі раён)

Бліны
Краіна	Беларусь
Вобласць	Віцебская
Раён	Віцебскі
Сельсавет	Заронаўскі
Каардынаты	55°18′19″ пн. ш. 29°57′11″ у. д.HGЯO
Насельніцтва	0 чалавек (2018)
Часавы пояс	UTC+3
Тэлефонны код	+375 212
Аўтамабільны код	2
СААТА	2212829011

Бліны́^[1] (трансліт.: Bliny, руск.: Блины) — вёска ў Віцебскім раёне Віцебскай вобласці. Уваходзіць у склад Заронаўскага сельсавета. За 12 км на паўночны захад ад Віцебска, 14 км ад чыгуначнай станцыі Старое Сяло.

Гісторыя[правіць | правіць зыходнік]

У 19 стагоддзі вёска вядома як казённая маёмасць у складзе маёнтка Караваіна ў Віцебскім павеце Віцебскай губерні. Адносілася да праваслаўнага Заронаўскага прыхода Ануфрыеўскай царквы. У пачатку 20 стагоддзя вёска, 107 дзесяцін зямлі, пры возеры Каравайніца ў Жаробыцкай воласці Віцебскага павета. Вёска належала Караваінскай сельскай грамадзе. У сакавіку 1924 года вернута ў склад БССР. З 20 жніўня 1924 года вёска ў Шалыгінскім сельсавеце Лосвідскага раёна, з 29 кастрычніка 1924 года ў Мікалаеўскім сельсавеце Кузняцоўскага, з 26 сакавіка 1927 года Віцебскага раёнаў Віцебскай акругі (да 26 ліпеня 1930 года). У 1930 годзе вяскоўцы ўступілі ў калгас. З 20 лютага 1938 года ў Віцебскай вобласці. У 1938 годзе ў вёску пераселены жыхары вёскі Кіслякі, у 1939 годзе — вёсак Верака, Курыліна, Ложкі. У гады Другой сусветнай вайны з сярэдзіны ліпеня 1941 года да сакавіка 1944 года пад нацысцкай акупацыяй, у студзені 1944 года гітлераўцы спалілі 56 двароў, 1 жыхара забралі ў нерманскую няволю, 9 вяскоўцаў загінулі ў баях супраць нямецкіх захопнікаў на франтах вайны, 5 — у партызанскай барацьбе. З 16 ліпеня 1954 года вёска ў Заронаўскім сельсавеце. У 1997 годзе знаходзілася ў складзе саўгаса «Заронава».

Насельніцтва[правіць | правіць зыходнік]

14 двароў, 134 жыхары (1905)
19 двароў, 93 жыхары (1926)
56 двароў, 171 жыхар (1941)
14 двароў, 46 жыхароў (1969)
2 гаспадаркі, 3 жыхары (1997)
1 гаспадарка, 1 жыхар (2015)
0 жыхароў (2018)

Зноскі

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

Літаратура[правіць | правіць зыходнік]

Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі[правіць | правіць зыходнік]

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

[1]