Бярвёнаўка
Вёска
Бярвёнаўка
Бярвёнаўка на карце Беларусі ±   |
Бярвёнаўка[1] (трансліт.: Biarvionaŭka, руск.: Бервёновка) — вёска ў Буда-Кашалёўскім раёне Гомельскай вобласці. Уваходзіць у склад Чабатовіцкага сельсавета.
На захадзе мяжуе з лесам.
Геаграфія[правіць | правіць зыходнік]
Размяшчэнне[правіць | правіць зыходнік]
У 31 км на паўднёвы захад ад Буда-Кашалёва, 25 км ад чыгуначнай станцыі Уза (на лініі Жлобін — Гомель), 58 км ад Гомеля.
Транспартная сетка[правіць | правіць зыходнік]
Транспартныя сувязі па прасёлкавай, затым аўтамабільнай дарозе Жлобін — Гомель.
Драўляныя хаты сядзібнага тыпу ўздоўж прасёлкавай дарогі.
Гісторыя[правіць | правіць зыходнік]
Па пісьмовых крыніцах вядомая з канца XIX стагоддзя як ваколіца ў Чабатовіцкай воласці Гомельскага павета Магілёўскай губерні. Гаспадар побач размешчанага фальварка валодаў у 1897 годзе 1600 дзесяцінамі зямлі. У 1883 годзе дзейнічал малітоўны дом.
З 30 снежня 1927 года па 15 жніўня 1974 года[2] цэнтр Бярвёнаўскага сельсавета Уваравіцкага, з 17 красавіка 1962 года Буда-Кашалёўскага раёна Гомельскай (да 26 ліпеня 1930 года) акругі, з 20 лютага 1938 года Гомельскай вобласці.
У 1930 годзе арганізаваны калгас. На франтах Вялікай Айчыннай вайны загінулі 11 жыхароў вёскі. У 1969 годзе ў вёску перасяліліся жыхары пасёлка Вялікі Рог. У складзе эксперыментальнай базы «Пянчын» (цэнтр — вёска Пянчын). Дапаможная гаспадарка Гомельскага заводу станочных вузлоў.
У склад Бярвёнаўскага сельсавета ўваходзілі, у наш час не існыя: да 1963 года пасёлак Чыжоўка, да 1968 года пасёлак Фашчаўка, да 1969 года пасёлак Вялікі Рог.
Насельніцтва[правіць | правіць зыходнік]
Колькасць[правіць | правіць зыходнік]
- 2004 год — 13 гаспадарак, 35 жыхароў.
Дынаміка[правіць | правіць зыходнік]
- 1897 год — 36 двароў, 226 жыхароў (паводле перапісу).
- 1959 год — 98 жыхароў (паводле перапісу).
- 2004 год — 13 гаспадарак, 35 жыхароў.
Зноскі
- ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
- ↑ Рашэнне выканаўчага камітэта Гомельскага абласнога Савета дэпутатаў працоўных ад 15 жніўня 1974 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1974, № 25 (1435).
Літаратура[правіць | правіць зыходнік]
- Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
 | |
|---|---|
| Цэнтр | |
| Пасёлкі | |
| Вёскі | |