Відошын

Вёска Відошын Краіна Беларусь Вобласць Гомельская Раён Жыткавіцкі Сельсавет Чырвоненскі Каардынаты 52°19′18″ пн. ш. 27°56′36″ у. д. Першая згадка XIX стагоддзе Насельніцтва 151 чалавек (2004) Часавы пояс UTC+3 Тэлефонны код +375 2353 Паштовыя індэксы 247963 Аўтамабільны код 3 СААТА 3216852011 Відошын на карце Беларусі ±

Відо́шын (трансліт.: Vidošyn, руск.: Видошин) — вёска ў Жыткавіцкім раёне Гомельскай вобласці. Уваходзіць у склад Чырвоненскага сельсавета.

На захадзе мяжуе з лесам.

Геаграфія

Размяшчэнне

У 15 км на паўночны ўсход ад раённага цэнтра і чыгуначнай станцыі Жыткавічы (на лініі Лунінец — Калінкавічы), 232 км ад Гомелю.

Транспартная сетка

Транспартныя сувязі па прасёлкавай, затым аўтамабільнай дарозе Лунінец — Калінкавічы. Планіроўка складаецца з кароткай просталінейнай шыротнай вуліцы, да якой з поўдня далучаюцца 2 кароткія вуліцы і завулак. Забудова няшчыльная, драўляная, сядзібнага тыпу.

Гісторыя

Заснавана ў канцы XIX стагоддзя як сяліба ў Жыткавіцкай воласці Мазырскага павета Мінскай губерні. У 1930 годзе жыхары ўступілі ў калгас. У 1930-х гадах у вёску пераселены жыхары з найблізкіх сяліб, і ў выніку сфарміравалася новая вуліца. Падчас Вялікай Айчыннай вайны 17 жыхароў загінулі на франтах. Паводле перапісу 1959 года ў складзе саўгаса "Чырвоны Бор" (цэнтр - вёска Семенча). Дзейнічае клуб.

Насельніцтва

Колькасць

• 2004 год - 66 гаспадарак, 151 жыхар.

Дынаміка

• 1917 год - 60 жыхароў.
• 1921 год - 12 двароў.
• 1959 год - 241 жыхар (паводле перапісу).
• 2004 год - 66 гаспадарак, 151 жыхар.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. - Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх