Голдава

Аграгарадок Голдава Царква Раства Багародзіцы Краіна Беларусь Вобласць Гродзенская Раён Лідскі Сельсавет Ходараўскі Каардынаты 53°42′00″ пн. ш. 25°06′30″ у. д. Насельніцтва ▼328 чал. (2009) Часавы пояс UTC+3 Тэлефонны код +375 1561 Паштовыя індэксы 231327 Аўтамабільны код 4 Голдава на карце Беларусі ±

Голдава на Вікісховішчы

Го́лдава (трансліт.: Holdava, руск.: Голдово) — аграгарадок у Лідскім раёне Гродзенскай вобласці. Уваходзіць у склад Ходараўскага сельсавета.

Гісторыя

Голдава згадваецца ў пачатку XV стагоддзя. Набыло статус мястэчка ў пачатку XVII стагоддзя. Належала да Лідскага павета Вялікага Княства Літоўскага, у складзе Рэчы Паспалітай; мелася праваслаўная царква, праходзіў штотыднёвы гандаль і штогадовыя кірмашы.

Міхал Шымялевіч пісаў, што старая дарога з Ліды, якая праходзіла міма Ольжава на Белагруду, далей бегла цераз Дзітву на Парачаны, Голдава і Жалудок, была вядома пад назвай Зэльвенскага гасцінца.

З 1795 года ў складзе Расійскай імперыі. У 1915 годзе акупавана Германіяй, з 1921 года ў складзе Польшчы, з 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

Да 2013 года Голдава было цэнтрам Голдаўскага сельсавета.

Славутасці

Свята-Раства-Багародзіцкая царква 1795 г.

Спасылкі

• На Вікісховішчы ёсць медыяфайлы па тэме Голдава
• Лаўрэш Леанід. Прыходы ў Голдаве і Бабрах // Лідскі Летапісец. 2018. № 4(84). С. 22-40. // на pawet.net
• Парафіяне Голдаўскай грэка-каталіцкай цэрквы у 1829 г. // Лідскі Летапісец. 2018. № 4(84). С. 22-40. // на pawet.net