Жмуркава

Вёска Жмуркава Краіна Беларусь Вобласць Віцебская Раён Віцебскі Сельсавет Бабініцкі Каардынаты 55°14′22″ пн. ш. 30°12′43″ у. д. Плошча 0,090929 км² Насельніцтва ▲13 чал. (2009) Часавы пояс UTC+3 Тэлефонны код +375 212 Аўтамабільны код 2 СААТА 2212806056 Жмуркава на карце Беларусі ±

Жму́ркава (трансліт.: Žmurkava, руск.: Жмурково) — вёска ў Віцебскім раёне Віцебскай вобласці. Уваходзіць у склад Бабініцкага сельсавета. Плошча 9,0929 га. За 2 км на поўнач ад Віцебска, 5,2 км ад чыгуначнай станцыі Віцебск.

Гісторыя

У пачатку 19 стагоддзя вёска Сакалова (яна ж Жмуркава) вядома ў складзе маёнтка Падбярэззе ў Віцебскім павеце Віцебскай губерні, уласнасць князёў Агінскіх. У 1846 годзе прыватная ўласнасць палкоўніка ў адстаўцы памешчыка Мікалая Лянковіча. У пачатку 20 стагоддзя вёска ў Мішкаўскай воласці Віцебскага павета Віцебскай губерні. У 1905 годзе вёска належала Падбярэзскаму сельскагаспадарчаму таварыству. У сакавіку 1924 года вернута ў склад БССР. З 20 жніўня 1924 года вёска ў Ялагаўскім сельсавеце Віцебскага раёна Віцебскай акругі (да 26 ліпеня 1930 года). У 1926 годзе вясковыя дзеці наведвалі працоўную школу 1-й ступені за 1 км ад сяла Альгова. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да канца чэрвеня 1944 года акупіравана нямецкімі войскамі. З 16 красавіка 1954 года ў Бабініцкім сельсавеце. У 2003 годзе вёска знаходзілася ў складзе ЗАТ «Альгоўскае».

Насельніцтва

• 11 рэвізскіх душ (1834)
• 2 двары, 18 жыхароў (1847)
• 1 двор, 25 жыхароў (1905)
• 10 двароў, 54 жыхары (1926)
• 2 гаспадаркі, 6 жыхароў (1997)
• 3 гаспадаркі, 5 жыхароў (2003)
• 3 гаспадаркі, 6 жыхароў (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх