Жукойні Жалядскія
Вёска
Жукойні Жалядскія
  Жукойні Жалядскія  Жукойні Жалядскія | ||||||||||||||||||||
Жуко́йні Жаля́дскія[2] (трансліт.: Žukojni Žaliadskija, руск.: Жукойни Желядские) — вёска ў Астравецкім раёне Гродзенскай вобласці. Уваходзіць у склад Міхалішкаўскага сельсавета.
Да 2013 года вёска ўваходзіла ў склад Спондаўскага сельсавета[3].
Назва
[правіць | правіць зыходнік]Абодва складнікі назвы Жалядскіх Жукойняў маюць балцкае паходжанне.
Назва Жукойні ў асяроддзі літоўскамоўных аўтахтонаў выкарыстоўваецца ў форме Žukainys. Корань Žuk- як у літоўскім žuklys «рыбак» (< балцкае дыялектнае *žukas «рыба», побач са звыклым літоўскім žuvis «рыба»).
Імаверна, з перасяленнем або сямейным адгаліноўваннем звязанае існаванне двух паселішчаў з агульнай асноўнай назвай — Жукойні Страцкія (ад назвы Страцкага возера (цяпер Тумскае), якое ад назвы вілейскай ракі Страча) і Жукойні Жалядскія.
Жукойні названыя Жалядскімі, бо побач вёска з назвай Жэлядзь. Жалядская назва гідранімічнага паходжання, ад назвы рэчкі *Жэлядзь, што ўцякае ў Жалядскае (польск.: Żeladskie) возера.
Гідронім Жэлядзь балцкага паходжання, адпачатная балцкая форма як у літоўскай рачной назве *Gelindis / Geland-upis (паміж Цяльшэем і Плунге)[4]. Корань з шэрагу Gal- : Gel- : Gil-, адкуль літоўскае galvis «сажалка на месцы старога рачнога рэчышча», gelmė «глыбіня», gilus «глыбокі»[5]. Таго ж паходжання і той жа структуры (пашыральнік -nd-) літоўскія гідронімы Gilandė (рака), Gilandis (возера)[6], меркаваны прускі гідронім *Galinda (ад яго прускае племя галіндаў). Усе гэтыя назвы нясуць семантыку глыбіні, назва Жэлядзь значыць «Глыбокая (рака)».
Славутасці
[правіць | правіць зыходнік]Крыніцы
[правіць | правіць зыходнік]- ↑ http://pop-stat.mashke.org/belarus-census-2019/hrodzienskaja.htm
- ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Жуко́йні Жэ́лядскія, Жуко́йні Жаля́цкія
- ↑ Решение Гродненского областного Совета депутатов от 26.02.2013 N 224 О некоторых вопросах административно-территориального устройства Островецкого района Гродненской области Архівавана 5 сакавіка 2016.
- ↑ K. Būga. Rinktiniai raštai. Vilnius, 1961. С. 607.
- ↑ V. Mažiulis. Prūsų kalbos etimologijos žodynas. Vilnius, 2013. C. 207—208, 239.
- ↑ A. Vanagas. Lietuvių hidronimų etimologinis žodynas. — Vilnius, 1981. — С. 111.
Спасылкі
[правіць | правіць зыходнік]
На Вікісховішчы ёсць медыяфайлы па тэме Жукойні Жалядскія
