Ліпск (Ляхавіцкі раён)

Аграгарадок Ліпск Касцёл Найсвяцейшай Дзевы Марыі Краіна Беларусь Вобласць Брэсцкая Раён Ляхавіцкі Сельсавет Крывошынскі Каардынаты 52°50′09″ пн. ш. 26°05′36″ у. д. Насельніцтва ▼910 чал. (2009) Часавы пояс UTC+3 Тэлефонны код +375 1633 Паштовыя індэксы 225387 Аўтамабільны код 1 СААТА 1250817036 Ліпск Ліпск

Ліпск на Вікісховішчы

Ліпск (трансліт.: Lipsk, руск.: Липск) — аграгарадок у Ляхавіцкім раёне Брэсцкай вобласці. Уваходзіць у склад Крывошынскага сельсавета.

Назва

На думку беларускага географа В. Жучкевіча, тапонім «Ліпск» утварыўся ад назвы пароды дрэва — ліпы.

Гісторыя

Першы пісьмовы ўспамін пра Ліпск датуецца 1492 годам. Мясцовасць уваходзіла ў склад Новагародскага павета Новагародскага ваяводства. У 1700 г. у мястэчку ўжо існаваў касцёл.

У выніку другога падзелу Рэчы Паспалітай (1793) Ліпск апынуўся ў складзе Расійскай імперыі, у Навагрудскім павеце. У другой пал. XIX ст. тут было 67 двароў. У 1910 годзе ў мястэчку збудавалі новы касцёл.

Згодна з Рыжскім мірным дагаворам (1921) Ліпск апынуўся ў складзе міжваеннай Польскай Рэспублікі, у гміне Крывошын Баранавіцкага павета Навагрудскага ваяводства.

У 1939 годзе Ліпск увайшоў у склад БССР, у Ляхавіцкі раён. У 1940 годзе статус паселішча панізілі да вёскі. У 1940—1954 гадах цэнтр Ліпскага сельсавета.

• Мястэчка на старых здымках
• 
  Стары касцёл
• 
  Новы касцёл
• 
  Новы касцёл, галоўны фасад
• 
  Новы касцёл

Славутасці

• Касцёл Найсвяцейшай Дзевы Марыі (1910) —  Гісторыка-культурная каштоўнасць Беларусі, шыфр 112Г000478.
• Стаянка фінальнага палеаліту і ранняга мезаліту.

Вядомыя ўраджэнцы

• Аляксандр Іванавіч Малевіч (1920—1994) — поўны кавалер Ордэна Славы.
• Анатоль Гатоўчыц (нар. 1950) — журналіст.
• Томаш граф Патоцкі (1884—1972) — фундатар касцёла ў Ліпску.
• Яраслаў граф Патоцкі (1905—1956), сын Томаша. вядомы паляўнічы, аўтар кнігі «Мае баданні на Алясцы» Закапане 1955 год.
• Ірэна Шарска — графіня Патоцка (1909—1939) вядомая акторка, мадэлька, спявачка. першая жонка графа Яраслава.
• Канстанцін Адамавіч Гатоўчыц (1932—2002) — будаўнік, Герой Сацыялістычнай Працы (1966).
• Генадзь Іванавіч Валюкевіч (1958—2019) — беларускі спартсмен-лёгкаатлет. Майстар спорту СССР міжнароднага класа (1978). Бацька Дзмітрыя Валюкевіча, які выступаў у трайным скачку за Славакію.

Літаратура

• Lipsk // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce (польск.). — Warszawa, 1884. S. 294.

Спасылкі

• На Вікісховішчы ёсць медыяфайлы па тэме Ліпск (Ляхавіцкі раён)
• в. Ліпск на Radzima.org