Міжрэчча (Пухавіцкі раён)

Вёска Міжрэчча Краіна Беларусь Вобласць Мінская Раён Пухавіцкі Сельсавет Пухавіцкі Каардынаты 53°34′35″ пн. ш. 28°19′20″ у. д. Часавы пояс UTC+3 Тэлефонны код +375 1713 Аўтамабільны код 5 Міжрэчча на карце Беларусі ±

Міжрэ́чча (трансліт.: Mižrečča, руск.: Мижречье) — вёска ў Пухавіцкім раёне Мінскай вобласці. Уваходзіць у склад Пухавіцкага сельсавета.

Геаграфія

За 16 км на паўночны захад ад раённага цэнтра Мар’іна Горка і чыгуначнага прыпыначнага пункту станцыя Пухавічы на лініі Мінск—Ачіповічы, на р. Волма, пры ўпадзенні яе ў р. Свіслач.

Назва

Пасяленне заснавана паміж рэкамі Волма і Свіслач, у міжрэччы, таму і атрымала такую назву.

Гісторыя

Пад уладай Расійскай імперыі

Пасля 2-га падзелу Рэчы Паспалітай (1793 г.) — у складзе Расійскай імперыі. У ХІХ - пач. ХХ ст. у Пухавіцкай воласці Ігуменскім павеце Мінскай губерні, належала Раьынскім.

У 1816 годзе ўзгадваецца маёнтак Міжрэччва, знаходзілася паблізу вёскі.

У 1913 годзе адкрыта школа царкоўнай граматы.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасля рэвалюцыі працавала школа 1-ай ступені, у 1922 г. якой працавала 2 настаўніка, займалася каля 70 хлопчыкаў і дзяўчынак.

На 1933 год былі калшасы "Бальшавік" і " Кастрычнік", працавалі смалярны завол (пабудаваны ў 1925 годзе), кравецкая і швецкая майстэрні, смакова-смакавая арцель, бачарна-мэблевая майстэрня, вадзяны млын з крупарушкай, 2 кузні.

Пад час Другой сусветнай вайны з 1941 г. да 2 ліпеня 1944 г. акупіравана нямецкімі войскамі. Вёска была зпалена 6 разоў, у траўне 1942 года было загублена 6 жыхароў.

Насельніцтва

• 1816 год — 7 двароў, каля 50 жыхароў. Маёнтак 9 двароў, каля 90 жыхароў.
• 1917 год — 81 двор, 508 жыхароў. Маёнтак 7 двароў, 66 жыхароў.
• 1940 год — 110 гаспадарак, 330 жыхароў.
• 1 студзеня 2002 года — 46 двароў, 69 жыхароў.

Турыстычная інфармацыя

• Гарадзішча (III—V стагоддзі). Знаходзіцца на паўночна-заходняй ускраіне на левым беразе р. Волма і 100 м ад яе ўпадзення ў р. Свіслач.
• Брацкая магіла (1941—1944 гады).
• Каталіцкая капліца св. Міхала Арханёла. У 1920-х гадах капліца была перанесена на мясцовыя могілкі.

Вядомыя асобы

• Яўген Васілевіч Мікульчык — генерал-лейтэнант.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А.Прановіч; рэдкалегія: А. М. Карлюкевіч і інш.]. - Мінск : Беларусь, 2003. - 748 с. - 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх