Міхалоў (Брагінскі раён)

Вёска Міхалоў Краіна Беларусь Вобласць Гомельская Раён Брагінскі Сельсавет Дублінскі Каардынаты 51°42′26″ пн. ш. 30°16′00″ у. д. Першая згадка XIX стагоддзе Насельніцтва 5 чалавек (1999) СААТА 3203866051 Міхалоў на карце Беларусі ±

Міхало́ў — былая вёска ў Брагінскім раёне Гомельскай вобласці Беларусі. Уваходзіла ў склад Дублінскага сельсавета.

У 2005 годзе вёска была выключана са звестак па ўліку населеных пунктаў.

Геаграфія

Размяшчэнне

У 11 км на поўдзень ад Брагіна, 40 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 130 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Камарын — Хойнікі.

Драўляныя хаты сядзібнага тыпу размешчаны ўздоўж прасёлкавай дарогі.

Гісторыя

Вядомая з XIX стагоддзя як вёска ў Брагінскай воласці Рэчыцкага павета Мінскай губерні. У 1873 годзе вялікія вясковыя зямельныя надзелы былі ў валоданні купца I-й гільдыі Канапліна, затым графа Юдзіцкага.

У 1930 годзе 150 га землі. У 1932 годзе арганізаваны калгас. Паводле перапісу 1959 года ў складзе калгасу «Запаветы Леніна» (цэнтр — вёска Ясені).

У 1938 г. у вёску пераселены жыхары цяпер не існага мястэчка Рэпішча.

Насельніцтва

Колькасць

• 1999 год — 3 гаспадаркі, 5 жыхароў.

Дынаміка

• 1908 год — 17 двароў, 129 жыхароў. Побач быў фальварак, 1 двор, 10 жыхароў.
• 1930 год — 20 двароў.
• 1959 год — 138 жыхароў (паводле перапісу).
• 1999 год — 3 гаспадаркі, 5 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0