Стары Макрэц

Вёска Стары Макрэц Краіна Беларусь Вобласць Гомельская Раён Брагінскі Сельсавет Малейкаўскі Каардынаты 51°48′ пн. ш. 30°26′ у. д. Першая згадка XIX стагоддзе Насельніцтва 10 чалавек (2004) Часавы пояс UTC+3 Тэлефонны код 2344 Паштовыя індэксы 247637 Аўтамабільны код 3 СААТА 3203832061 Стары Макрэц на карце Беларусі ±

Стары́ Макрэ́ц (трансліт.: Stary Makrec, руск.: Старый Мокрец) — вёска ў Брагінскім раёне Гомельскай вобласці. Уваходзіць у склад Малейкаўскага сельсавета.

Геаграфія

Размяшчэнне

У 12 км на ўсход ад Брагіна, 40 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 125 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Брагін — Лоеў.

Планіроўка складаецца з просталінейнай вуліцы мерыдыянальнай арыентацыі. Жылыя хаты драўляныя сядзібнага тыпу.

Гісторыя

Выяўленае археолагамі гарадзішча (у 400 м ад вёскі, на ўзвышшы сярод балот) сведчыць пра засяленне тутэйшых месцаў з даўніх часоў. Па пісьмовых крыніцах вядомая з XIX стагоддзя як вёска ў Рэчыцкім павеце Мінскай губерні. У 1908 годзе ў Ручаёўскай воласці.

У 1929 годзе арганізаваны калгас «Краіна Саветаў», працавалі 2 ветракі (з 1904 і 1907 г.), 2 гамарні і воўначасальня. Падчас Вялікай Айчыннай вайны ў маі 1943 года фашысты цалкам спалілі вёску і забілі 16 жыхароў. У 1959 годзе ў складзе калгаса «Пераможца» (цэнтр — вёска Малейкі), знаходзіўся фельчарска-акушэрскі пункт.

Насельніцтва

Колькасць

• 2004 год — 7 гаспадарак, 10 жыхароў.

Дынаміка

• 1850 год — 17 двароў.
• 1897 год — 33 двары, 190 жыхароў (паводле перапісу).
• 1908 год — 39 двароў, 251 жыхар.
• 1930 год — 36 двароў, 217 жыхароў.
• 1940 год — 57 двароў.
• 1959 год — 275 жыхароў (паводле перапісу).
• 2004 год — 7 гаспадарак, 10 жыхароў.
• 2006 год — 7 гаспадарак, 10 чалавек, з якіх 0 ва ўзросце да 16 гадоў, 3 — у працаздольным і 7 — старэйшым за працаздольны.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.